Ħarsa ġenerali
- Rwol: l-ECHA taħdem għall-użu mingħajr periklu ta’ sustanzi kimiċi
- Direttur: Bjorn Hansen
- Stabbilita: fl-2007
- Numru ta’ persunal: madwar 600
- Lokalità: Ħelsinki, il-Finlandja
- Sit web: ECHA
L-Aġenzija Ewropea għas-Sustanzi Kimiċi (ECHA) taħdem għall-użu mingħajr periklu ta’ sustanzi kimiċi. Hi timplimenta leġiżlazzjoni dwar il-kimiċi innovattivi tal-UE, għall-benefiċċju tas-saħħa tal-bniedem, l-ambjent u l-innovazzjoni u l-kompetittività fl-Ewropa.
Dak li tagħmel
- Tgħin lill-kumpaniji jikkonformaw ma’ leġiżlazzjoni speċifika tal-UE dwar sustanzi kimiċi u bijoċidi:
- Tikkoopera ma’ organizzazzjonijiet internazzjonali u partijiet interessati biex tippromwovi l-użu mingħajr periklu ta’ sustanzi kimiċi
- Tipprovdi informazzjoni dwar il-kimiċi u l-użu sikur tagħhom permezz ta’ bażi tad-dejta unika mingħajr ħlas
- Taħdem mal-Kummissjoni Ewropea u l-gvernijiet tal-UE biex jiġu identifikati sustanzi li jikkawżaw tħassib u jittieħdu deċiżjonijiet dwar l-immaniġġjar tar-riskju fil-livell tal-UE
- Tħeġġeġ l-innovazzjoni fl-industrija kimika billi tissostitwixxi sustanzi li jagħtu lok għal tħassib.
Min jibbenefika
- Il-membri tal-pubbliku u l-ambjent huma anqas esposti għal kimiċi perikolużi u jibbenefikaw minn prodotti aktar sikuri. Il-konsumaturi jistgħu jistaqsu dwar sustanzi kimiċi perikolużi fil-prodotti li jixtru.
- Il-ħaddiema u utenti oħrajn ta' kimiċi jibbenefikaw minn informazzjoni mtejba dwar il-perikli tal-kimiċi li jużaw, u kif jużawhom b'mod sikur.
- L-industrija tingħata għajnuna biex tikkonforma mal-leġiżlazzjoni. Kumpaniji innovattivi jistgħu jieħdu vantaġġ mill-ħtieġa li jeleminaw gradwalment l-aktar sustanzi perikolużi.
- Il-pajjiżi fil-fażi tal-iżvilupp jirċievu informazzjoni dwar kif jimmaniġġjaw il-kimiċi perikulużi b'mod sikur.
Ara wkoll
Kuntatt
L-Aġenzija Ewropea għas-Sustanzi Kimiċi (ECHA)
Mailing address P.O.Box 400
00121 Helsinki
Finland
- Isem
- L-Aġenzija Ewropea għas-Sustanzi Kimiċi (ECHA)
- Sit web
- https://echa.europa.eu/about-us/the-way-we-work/multilingual-practice
- Numru tat-telefown
- +358 9 6861 80
- Numru tal-faks
- +358 9 6861 8210
- Indirizz postali
- Telakkakatu 6, 00150 Helsinki, Finland