Skip to main content
Korp korporattiv tal-Unjoni Ewropea

Il-Bord Ewropew għall-Protezzjoni tad-Data (EDPB)

The European Data Protection Board - Logo

Ħarsa ġenerali

  • Rwol: Li jiżgura li r-Regolament Ġenerali dwar il-Protezzjoni tad-Data (GDPR) u d-Direttiva dwar l-Infurzar tal-Liġi dwar il-Protezzjoni tad-Data jiġu applikati b’mod konsistenti fil-pajjiżi tal-UE, kif ukoll fin-Norveġja, il-Liechtenstein u l-Iżlanda.
  • Chair: Andrea Jelinek
  • Stabbilita fi: 2018
  • Numru ta’ staff: 21
  • Lok: Brussell
  • Sit web:Bord Ewropew għall-Protezzjoni tad-Data 

L-EDPB hu korp indipendenti li:

  • jiżgura l-liġi tal-UE f’dan il-qasam – speċjalment ir-Regolament Ġenerali dwar il-Protezzjoni tad-Data (GDPR) u d-Direttiva dwar l-Infurzar tal-Liġi dwar il-Protezzjoni tad-Data – hi konsistament applikata fil-pajjiżi kollha li huma koperti minnha billi jippromwovu l-kooperazzjoni fost l-awtoritajiet nazzjonali tal-protezzjoni tad-data 

X’jagħmel l-EDPB?

  • jipprovdi gwida ġenerali (inklużi linji gwida, rakkomandazzjonijiet u l-aħjar prattiki) biex jiġi ċċarat il-GDPR
  • jadotta sejbiet ta’ konsistenza, imfassla biex jiġi żgurat li l-GDPR jiġi interpretat b’mod konsistenti mill-korpi regolatorji nazzjonali kollha, pereżempju f’każijiet relatati ma’ 2 pajjiżi jew aktar
  • jagħti parir lill-Kummissjoni Ewropea dwar kwistjonijiet ta’ protezzjoni tad-data u kwalunkwe leġiżlazzjoni ġdida proposta tal-UE ta’ importanza partikolari għall-protezzjoni tad-data personali
  • -iħeġġeġ lill-awtoritajiet nazzjonali tal-protezzjoni tad-data biex jaħdmu flimkien u jaqsmu l-informazzjoni u l-aħjar prattiki ma’ xulxin.

Jekk taħseb li d-data tiegħek ma ġietx protetta, għandek 3 opzjonijiet:

L-awtoritajiet nazzjonali tal-protezzjoni tad-data jistgħu jwettqu investigazzjonijiet u jimponu penali fejn ikun meħtieġ.

Min huwa fl-EDPB?

Għall-operazzjonijiet ta’ kuljum, il-ħidma tal-EDPB tirċievi appoġġ analitiku, amministrattiv u loġistiku mingħand segretarjat ipprovdut mill-EDPS. Il-membri tal-istaff tas-Segretarjat tal-EDPB qed jaħdmu taħt l-istruzzjonijiet tal-President tal-EDPB.
Termini tal-Kooperazzjoni EDPB-EDPS

Kif jaħdem l-EDPB?

Il-Bord għandu laqgħat regolari fi Brussell, biex jiddiskuti u jieħu deċiżjonijiet dwar kwistjonijiet relatati mal-protezzjoni tad-data.
Id-deċiżjonijiet jittieħdu mil-laqgħat plenarji, li jiġbru l-kap tal-awtoritajiet nazzjonali, abbażi tal-ħidma preparatorja tal-laqgħat tas-sottogruppi ta’ esperti u tas-Segretarjat tal-EDPB.

Int u l-EDPB

Il-ħidma tal-EDPB tiżgura li r-regoli tal-UE li jipproteġu d-data tiegħek jiġu applikati b’mod uniformi f’kull pajjiż tal-UE – sabiex kulħadd ikollu l-istess drittijiet, irrispettivament minn fejn jgħix.
Dan jagħmlu billi:

  •  Joħroġ linji gwida għall-awtoritajiet nazzjonali u l-partijiet ikkonċernati biex jiġi żgurat li l-GDPR jiġi interpretat b’mod konsistenti.
  •  Jadotta sejbiet ta’ konsistenza għar-regolaturi nazzjonali biex jiġi żgurat li jinfurzaw id-drittijiet u d-dmirijiet legali relatati bl-istess mod f’kull pajjiż.
  • Hu wkoll sors ta’ għarfien dwar kwistjonijiet ta’ protezzjoni tad-data, li jagħti pariri lill-Kummissjoni Ewropea. Dan jiżgura li kwalunkwe liġi ġdida tal-UE li jkollha impatt ta’ importanza partikolari fuq il-protezzjoni tad-data personali tirrispetta d-dritt fundamentali tad-data personali.

Ara wkoll

Aħbarijiet tal-EDPB 

Programm ta’ ħidma tal-EDPB 

Impjiegi tal-EDPB

Kuntatt

Il-Bord Ewropew għall-Protezzjoni tad-Data (EDPB)

Sit web
Email
Indirizz postali
Rue Wiertz/Wiertzstraat 60, 1047 Bruxelles/Brussel, Belgium
Media soċjali