an Gníomhaireacht Iarnróid an Aontais Eorpaigh (ERA)

Gníomhaireacht í an ERA atá lonnaithe sa Fhrainc agus a chabhraíonn chun córais iarnróid Eorpacha a lánpháirtiú trí thraenacha a dhéanamh níos sábháilte agus a chur ar a gcumas teorainneacha náisiúnta a thrasnú gan stopadh.

Seo an méid atá déanta ag an ERA ó 2006 ar aghaidh:

• d’oibrigh sí chun comhchaighdeáin theicniúla a fhorbairt a bheidh inmharthana ó thaobh an gheilleagair agus bearta agus spriocanna sábháilteachta a fhorbairt i gcomhar leis an earnáil iarnróid, le húdaráis náisiúnta, le hinstitiúidí an AE agus le comhlachtaí eile.
• thuairiscigh sí ar shábháilteacht iarnróid san AE.
• threoraigh sí iarrachtaí chun caighdeáin chomharthaíochta aonfhoirmeacha a chruthú ar fud na hEorpa.

Tá ceannáras an ERA in Valenciennes agus tá áiseanna aici le haghaidh comhdhálacha idirnáisiúnta in Lille.