Tugann CERT-EU freagra ar theagmhais slándála faisnéise agus cibearbhagairtí a dhéanann difear do chórais ríomhaireachta institiúidí, gníomhaireachtaí agus comhlachtaí uile an Aontais.

Is comhlacht comhairleach de chuid an Aontais Eorpaigh é Coiste Eacnamaíoch agus Sóisialta na hEorpa, comhlacht a chuireann tuairimí in iúl d’institiúidí eile an Aontais.

Déanann an Ghníomhaireacht Feidhmiúcháin Eorpach um an Aeráid, Bonneagar agus Comhshaol (CINEA) bainistiú ar chláir de chuid an Choimisiúin Eorpaigh a chuidíonn leis an dícharbónú agus leis an bhfás inbhuanaithe.

Is tionól é Coiste na Réigiún a chuireann comhairle ar na hinstitiúidí Eorpacha maidir le dlíthe a imríonn tionchar ar chathracha agus ar réigiúin an Aontais.

Tá Comhairle an Aontais Eorpaigh comhdhéanta d’airí rialtais an Aontais Eorpaigh a thagann le chéile chun dlíthe a phlé, a leasú agus a ghlacadh.

Tá Comhghnóthas an Tionscnaimh um Shláinte Nuálach ag déanamh fíorshochair de thaighde sláinte agus de nuálaíocht sláinte d’othair agus don tsochaí, agus ag féachaint chuige go mbíonn tionscail sláinte na hEorpa iomaíoch ar fud an domhain.

Tacaíonn Comhghnóthas Shláinte Dhomhanda EDCTP3 le taighde comhoibríoch chun idirghabhálacha leighis inrochtana, oiriúnacha agus inacmhainne a fhorbairt chun galair thógálacha a bhaineann leis an mbochtaineacht a chomhrac san Afraic fho-Shahárach.

Cothaíonn an Comhghnóthas um Líonraí agus Seirbhísí Cliste ailíniú le tíortha an Aontais le haghaidh taighde agus nuálaíocht 6G, agus cuireann sé borradh faoi chur chun feidhme 5G san Eoraip.

Deonaíonn an Oifig Chomhphobail um Chineálacha Plandaí cearta maoine intleachtúla i dtaobh le cineálacha nua plandaí san AE.

Déanann an Chúirt Bhreithiúnais deimhin de gur mar a chéile ar fud an Aontais a chuirtear dlíthe an Aontais i bhfeidhm.

Déanann an Ghníomhaireacht Feidhmiúcháin Eorpach um Oideachas agus Cultúr (EACEA) bainistíocht ar mhaoiniú le haghaidh an oideachais, an chultúir, an chlosamhairc, an spóirt, na saoránachta agus na hoibre deonaí.

Cuireann an Ghníomhaireacht Eorpach um Shábháilteacht Eitlíochta seasaimh choiteanna sábháilteachta agus comhshaoil don eitlíocht shibhialta chun cinn in AE.

Oibríonn an tÚdarás Baincéireachta Eorpach chun rialacha caighdeánacha a chur chun feidhme maidir le rialáil agus maoirseacht bhaincéireachta i ngach tír san Aontas.

Cuidíonn an Lárionad Eorpach um Ghalair a Chosc agus a Rialú le rialtais an AE a ullmhú chun stop a chur le leathadh na ngalar tógálach.

Is í an Ghníomhaireacht Eorpach Ceimiceán a chuireann reachtaíocht an Aontais maidir le ceimiceáin chun feidhme.

Cuireann an Bord Eorpach um Chosaint Sonraí treoirlínte agus moltaí ar fáil maidir le conas rialacha cosanta sonraí a chur i bhfeidhm san Aontas.

Cuireann an Ghníomhaireacht Eorpach Chomhshaoil faisnéis neamhspleách ar fáil do na Ballstáit faoi fhorbairt agus glacadh na mbeartas comhshaoil, agus faoi chur chun feidhme agus measúnú na mbeartas sin.

Cuireann an Ghníomhaireacht Eorpach um Rialú ar Iascach comhchaighdeáin chun cinn maidir le rialú, cigireacht agus faireachas faoi chomhbheartas iascaigh an AE.

Cuireann an tÚdarás Eorpach um Shábháilteacht Bia sonraí eolaíocha neamhspleácha agus comhairle ar fáil faoi rioscaí a d’fhéadfadh a bheith ann sa bhiashlabhra.