Profili tal-istituzzjonijiet u l-korpi

L-Aġenzija Eżekuttiva Ewropea għall-Edukazzjoni u għall-Kultura (EACEA) timmaniġġja l-finanzjament għall-edukazzjoni, il-kultura, l-awdjoviżiv, l-isport, iċ-ċittadinanza u l-volontarjat.

L-Aġenzija Eżekuttiva għar-Riċerka hi korp ta' finanzjament għar-riċerka u l-innovazzjoni. Hi timmaniġġja l-għotjiet tal-UE għar-riċerka.

L-Aġenzija tal-Unjoni Ewropea għall-Ażil toffri appoġġ operazzjonali u tekniku lill-pajjiżi tal-UE biex tgħinhom jimplimentaw b’mod effettiv il-liġi tal-UE dwar l-ażil.

L-Awtorità għall-Partiti Politiċi Ewropej u l-Fondazzjonijiet Politiċi Ewropej hija responsabbli għar-reġistrazzjoni, il-kontroll u l-impożizzjoni ta’ sanzjonijiet, meta meħtieġ, fuq il-partiti politiċi Ewropej u l-fondazzjonijiet politiċi Ewropej.

L-impriża Konġunta Ewropa Ċirkolari b’Bażi Bijoloġika taħdem fuq l-avvanz tal-industriji kompetittivi b’bażi bijoloġika fl-Ewropa.

L-Impriża Konġunta Networks u Servizzi Intelliġenti trawwem l-allinjament mal-pajjiżi tal-UE għar-riċerka u l-innovazzjoni tas-6G, u tagħti spinta lill-introduzzjoni tal-5G fl-Ewropa.

L-Impriża Konġunta Saħħa Globali EDCTP3 tappoġġja r-riċerka kollaborattiva biex jiġu żviluppati interventi mediċi aċċessibbli, xierqa u affordabbli għall-ġlieda kontra l-mard infettiv relatat mal-faqar fl-Afrika sub-Saħarjana.

L-Ombudsman Ewropew jinvestiga lmenti dwar amministrazzjoni ħażina mill-istituzzjonijiet u l-korpi tal-UE.

Il-Qorti Ewropea tal-Awdituri tiżgura li l-fondi tal-UE jiġu kontabilizzati b’mod korrett, u li l-fondi kollha jinġabru u jintefqu f’konformità mar-regoli finanzjarji tal-UE.

Iċ-Ċentru Satellitari tal-UE jipprovdi immaġnijiet satellitari u mill-ajru għall-azzjonijiet tal-politika estera, ta’ sigurtà u ta’ difiża komuni tal-UE.

Is-Servizz Ewropew għall-Azzjoni Esterna hu s-servizz diplomatiku tal-UE, u jwettaq il-politika estera u ta’ sigurtà tal-UE.

L-Impriża Konġunta SESAR 3 qed tuża r-riċerka u l-innovazzjoni biex timmodernizza s-sistema Ewropea tal-ġestjoni tat-traffiku tal-ajru u tħaffef it-twettiq tal-Ajru Diġitali Ewropew.

L-Iskola Ewropea tal-Amministrazzjoni (EuSA) tipprovdi taħriġ speċifiku għall-membri tal-istaff tal-UE.

Il-Bord Uniku ta' Riżoluzzjoni joħloq regoli, proċeduri u arranġamenti prattiċi standard għal riżoluzzjonijiet bankarji fl-UE.

L-Uffiċċju tal-Prosekutur Pubbliku Ewropew (UPPE), li huwa korp indipendenti tal-UE, jinvestiga, iħarrek u jressaq quddiem il-ġustizzja reati kontra l-interessi finanzjarji tal-UE.

L-Uffiċċju tal-Pubblikazzjonijiet tal-Unjoni Ewropea huwa l-fornitur uffiċjali tas-servizzi ta’ pubblikazzjoni għall-istituzzjonijiet, il-korpi u l-aġenziji kollha tal-UE.