Gníomhaireacht Sábháilteachta Eitlíochta an Aontais Eorpaigh (EASA)

Forbhreathnú

• Ról: sábháilteacht agus cosaint an chomhshaoil a chinntiú san eitlíocht shibhialta san Eoraip
• Stiúrthóir Feidhmiúcháin: Florian Guillermet
• Comhaltaí: 27 mBallstát + an Íoslainn, Lichtinstéin, an Eilbhéis, an Iorua
• Comhpháirtithe: Údaráis Eorpacha eitlíochta sibhialta
• Bliain a bhunaithe: 2002
• An líon foirne: 800+
• Láthair: Köln (an Ghearmáin)
• Suíomh Gréasáin: Gníomhaireacht Sábháilteachta Eitlíochta an Aontais Eorpaigh (EASA)

Is ar Gníomhaireacht Sábháilteachta Eitlíochta an Aontais Eorpaigh (EASA) atá an cúram sábháilteacht agus cosaint an chomhshaoil a chinntiú san aeriompar san Eoraip.

Gníomhaíochtaí

Ar chúraimí EASA tá:

• rialúcháin agus deimhniú a chomhchuibhiú
• margadh aonair eitlíochta an Aontais a fhorbairt
• rialacha teicniúla eitlíochta a dhréachtú
• aerárthaí agus comhpháirteanna a dheimhniú de réir cineáil
• comhlachtaí a fhaomhadh a dhearann, a mhonaraíonn agus a chothabhálann táirgí aerloingseoireachta
• maoirseacht sábháilteachta a chur ar fáil do thíortha den Aontas (e.g. maidir le hoibríochtaí air, bainistiú aerthráchta)
• caighdeáin sábháilteachta idir Eorpach agus domhanda a chur chun cinn
• oibriú le geallsealbhóirí idirnáisiúnta chun an tsábháilteacht a fheabhsú san Eoraip (e.g liosta aershábháilteachta an Aontais – liosta de na hoibreoirí a bhfuil cosc orthu).

Cé a bhaineann tairbhe as?

Pobal na heiltíochta sibhialta san Eoraip agus lasmuigh di:

• Údaráis Eorpacha eitlíochta sibhialta
• aeroibreoirí agus aer línte
• Monaróirí/dearthóirí Eorpacha aerárthaí agus comhpháirteanna
• comhlachtaí cothabhála
• píolótaí tráchtála agus príobháideacha
• eagraíochtaí oiliúna faofa
• ionaid aerleighis
• rialtóirí aerthráchta agus seirbhísí aerloingseoireachta
• aerfoirt

Aerárthaí agus táirgí aerloingseoireachta atá cumhdaithe:

• scairdeitleáin mhóra agus mheánmhéide
• aerárthaí turbascairde
• aerárthaí éadroma
• aerárthaí sciathán rothlach (héileacaptair, gíreitleáin)
• aerárthaí éadroma spóirt (balúin, faoileoirí, aerlonga, ladrainn shibhialta)
• innill, liáin, ionsamhlóirí eitiltí
• roinnt aerárthaí míleata (e.g. an t-aeriompróir A400M)

Tuilleadh eolais

Nuachtlitir