Din l-aġenzija tal-Kummissjoni timmaniġġja l-programmi tal-UE li jgħinu lin-negozji ż-żgħar jibqgħu kompetittivi, kif ukoll programmi dwar ir-riċerka, l-ambjent, l-enerġija u l-industrija tas-sajd.

L-Aġenzija tal-Unjoni Ewropea għall-Kooperazzjoni tar-Regolaturi tal-Enerġija taħdem għal suq tal-enerġija aktar kompetittiv, effiċjenti u sigur

Is-Cedefop jgħin lill-istituzzjonijiet u lill-organizzazzjonijiet jiżviluppaw u jissodisfaw il-bżonnijiet ta’ taħriġ.

Iċ-Ċentru tat-Traduzzjoni jipprovdi servizzi ta’ traduzzjoni għal aġenziji u korpi tal-UE mal-Ewropa kollha u jaħdem flimkien ma’ servizzi oħrajn tat-traduzzjoni tal-UE.

Is-CEPOL tiżviluppa u torganizza programmi ta’ taħriġ għas-servizzi tal-pulizija u uffiċjali oħra tal-infurzar tal-liġi fl-UE.

L-Aġenzija Eżekuttiva Ewropea għall-Klima, l-Infrastruttura u l-Ambjent (CINEA) timmaniġġja l-programmi tal-Kummissjoni Ewropea li jikkontribwixxu għad-dekarbonizzazzjoni u t-tkabbir sostenibbli.

L-Uffiċċju Komunitarju tal-Varjetajiet tal-Pjanti jagħti drittijiet ta’ proprjetà intellettwali lil varjetajiet ġodda ta’ pjanti fl-UE.

L-Aġenzija Eżekuttiva Ewropea għall-Edukazzjoni u għall-Kultura (EACEA) timmaniġġja l-finanzjament għall-edukazzjoni, il-kultura, l-awdjoviżiv, l-isport, iċ-ċittadinanza u l-volontarjat.

L-Aġenzija tas-Sikurezza tal-Avjazzjoni Ewropea tippromwovi standards komuni tas-sikurezza u tal-ambjent għall-avjazzjoni ċivili fl-UE.

L-Awtorità Bankarja Ewropea taħdem biex timplimenta regoli standard għar-regolamentazzjoni u s-superviżjoni bankarja fil-pajjiżi kollha tal-UE.

Iċ-Ċentru Ewropew għall-Prevenzjoni u l-Kontroll tal-Mard jgħin jipprepara lill-gvernijiet tal-UE biex iwaqqfu t-tixrid ta’ mard infettiv.

L-Aġenzija Ewropea għas-Sustanzi Kimiċi timplimenta l-leġiżlazzjoni tal-UE dwar is-sustanzi kimiċi.

L-Aġenzija Ewropea għall-Ambjent tipprovdi informazzjoni indipendenti lill-pajjiżi tal-UE dwar l-iżvilupp, l-implimentazzjoni u l-evalwazzjoni tal-politiki ambjentali.

L-Aġenzija Ewropea għall-Kontroll tas-Sajd tippromwovi standards komuni għall-kontroll, l-ispezzjoni u s-sorveljanza taħt il-politika komuni tas-sajd tal-UE.

L-Awtorità Ewropea dwar is-Sigurtà fl-Ikel tipprovdi data u pariri xjentifiċi indipendenti dwar ir-riskji possibbli fil-katina alimentari.

L-Istitut Ewropew għall-Ugwaljanza bejn is-Sessi jappoġġja l-isforzi biex tinkiseb l-ugwaljanza bejn is-sessi fl-UE.

L-Awtorità Ewropea tal-Assigurazzjoni u l-Pensjonijiet tax-Xogħol tagħti pariri lill-istituzzjonijiet tal-UE dwar kif tinżamm sistema finanzjarja effettiva u stabbli.

L-Awtorità Ewropea tax-Xogħol tiżgura li r-regoli transfruntiera tax-xogħol u tas-sigurtà soċjali jiġu applikati kif suppost fl-UE.

L-Aġenzija Ewropea għall-Mediċini tippromwovi s-saħħa tal-bniedem u tal-annimali billi tevalwa u timmonitorja l-mediċini fl-UE.