Skip to main content

Ħarsa ġenerali

Belt kapitali: Ateni

Lingwa(i) uffiċjali tal-UE: il-Grieg

Pajjiż membru tal-UE: mill-1 ta’ Jannar 1981

Munita: l-euro. Membru taż-żona tal-euro mill-1 ta’ Jannar 2001

Schengen: membru taż-żona Schengen mill-1 ta’ Jannar 2000.

Ċifri: daqs ġeografiku - popolazzjoni - prodott domestiku gross (PDG) per capita skont l-istandards tal-poter tal-akkwist

Is-sistema politika

Il-Greċja hija repubblika parlamentari b’kap tal-gvern - il-prim ministru - li għandu l-ikbar setgħa politika, u kap tal-istat - il-president - li d-dmirijiet tiegħu huma prinċipalment ċerimonjali. Is-setgħa eżekuttiva hija eżerċitata mill-gvern.

Il-pożizzjoni fuq il-mappa tal-UE

Il-kummerċ u l-ekonomija

L-aktar setturi importanti tal-ekonomija tal-Greċja fl-2018 kienu l-kummerċ bl-ingrossa u bl-imnut, it-trasport, l-akkomodazzjoni u s-servizzi tal-ikel (25.1%), l-amministrazzjoni pubblika, id-difiża, l-edukazzjoni, is-saħħa tal-bniedem u l-attivitajiet ta’ xogħol soċjali (20.3%) u l-attivitajiet ta’ proprjetà immobbli (16.3%).

Il-kummerċ fi ħdan l-UE jammonta għal 53% tal-esportazzjonijiet tal-Greċja (l-Italja 10% u l-Ġermanja u Ċipru 6%), filwaqt li barra mill-UE 6% jmorru fit-Turkija u 4% fil-Lebanon.

F’termini ta’ importazzjonijiet, 51% jiġu minn Stati Membri tal-UE (il-Ġermanja 11% u l-Italja 8%), filwaqt li barra mill-UE 8% jiġu kemm mill-Iraq u kif ukoll mir-Russja u 7% miċ-Ċina.

Il-Greċja fl-UE

Il-Parlament Ewropew

Hemm 21 membru tal-Parlament Ewropew mill-Greċja. Skopri min huma dawn il-MPE.

L-Uffiċċju tal-Parlament Ewropew fil-Greċja

Il-Kunsill tal-UE

Fil-Kunsill tal-UE, il-ministri nazzjonali jiltaqgħu b'mod regolari biex jadottaw il-liġijiet tal-UE u jikkoordinaw il-politiki. Il-laqgħat tal-Kunsill jattendu għalihom regolarment rappreżentanti tal-gvern Grieg, skont il-qasam tal-politika li jkun qed jiġi indirizzat.

Il-Presidenza tal-Kunsill tal-UE

Il-Kunsill tal-UE m’għandux persuna waħda permanenti bħala president (bħal pereżempju, il-Kummissjoni jew il-Parlament). Minflok, ix-xogħol jitmexxa mill-pajjiż li jkollu l-Presidenza tal-Kunsill, li jinbidel kull sitt xhur.

Matul dawn is-6 xhur, il-ministri mill-gvern ta’ dak il-pajjiż jippresiedu u jgħinu jiddeterminaw l-aġenda tal-laqgħat tal-Kunsill f’kull qasam ta’ politika, u jiffaċilitaw id-djalogu ma’ istituzzjonijiet oħra tal-UE.

Id-dati tal-presidenzi Griegi:

Lul-Diċ 1983 | Lul-Diċ 1988 | Jan-Ġun 1994 | Jan-Ġun 2003 | Jan-Ġun 2014

Il-Presidenza tal-Kunsill tal-UE

Il-presidenza attwali tal-Kunsill tal-UE

Il-Kummissjoni Ewropea

Il-Kummissarju nominat mill-Greċja għall-Kummissjoni Ewropea hi Margaritis Schinas, il-Viċi President għall-Promozzjoni tal-Istil ta' Ħajja Ewropew Tagħna

Il-Kummissjoni hija rrappreżentata f’kull pajjiż tal-UE minn uffiċċju lokali, imsejjaħ “rappreżentanza”.

Ir-Rappreżentanza tal-Kummissjoni fil-Greċja

Il-Kumitat Ekonomiku u Soċjali Ewropew

Il-Greċja għandha 12-il rappreżentant fil-Kumitat Ekonomiku u Soċjali Ewropew. Dan il-korp konsultattiv – li jirrappreżenta lil dawk li jħaddmu, il-ħaddiema u gruppi oħra ta’ interess – huwa kkonsultat dwar il-liġijiet proposti, biex ikun hemm idea aħjar tal-bidliet possibbli tas-sitwazzjonijiet soċjali u tax-xogħol fil-pajjiżi membri.

Il-Kumitat Ewropew tar-Reġjuni

Il-Greċja għandha 11-il rappreżentant fil-Kumitat Ewropew tar-Reġjuni, l-assemblea tar-rappreżentanti reġjonali u lokali tal-UE. Dan il-korp konsultattiv jiġi kkonsultat dwar il-liġijiet proposti, biex jiżgura li dawn il-liġijiet iqisu l-perspettiva minn kull reġjun tal-UE.

Ir-rappreżentanza permanenti għall-UE

Il-Greċja tikkomunika wkoll mal-istituzzjonijiet tal-UE premezz tar-rappreżentanza permanenti tagħha fi Brussell. Bħala l-"ambaxxata għall-UE" tal-Greċja, il-kompitu ewlieni tagħha huwa li tiżgura li l-interessi u l-politiki tal-pajjiż huma segwiti b’mod effettiv kemm jista’ jkun fl-UE.

Il-Baġits u l-Finanzjament

Kemm tħallas u tirċievi l-Greċja?

L-ammont li jħallas kull pajjiż tal-UE fil-baġit tal-UE huwa kkalkulat b’mod ġust, skont il-mezzi. Aktar ma tkun kbira l-ekonomija tal-pajjiż, aktar iħallas – u viċi versa.
L-għan tal-baġit tal-UE mhuwiex li jipprova jqassam mill-ġdid il-ġid, iżda pjuttost jiffoka fuq il-ħtiġijiet tal-Ewropej b’mod ġenerali. 

Ċifri tal-2018 għall-Greċja:

  • Nefqa totali tal-UE fil-Greċja – € 4.870 biljun
    (ekwivalenti għal 2.66% tal-ekonomija Griega)
  • Kontribuzzjoni totali għall-baġit tal-UE – € 1.488 biljun
    (ekwivalenti għal 0.81% tal-ekonomija Griega)

Aktar ċifri dwar il-baġit tal-UE, id-dħul u l-infiq:

Il-proġetti ffinanzjati mill-UE fil-Greċja

Il-flus imħallsa fil-baġit tal-UE mill-Greċja jgħinu biex jiġu ffinanzjati programmi u proġetti fil-pajjiżi kollha tal-UE - bħall-bini ta’ toroq, is-sussidjar ta’ riċerkaturi u l-ħarsien tal-ambjent.

Skopri aktar dwar kif il-Greċja tibbenefika mill-finanzjament tal-UE.