L-importanza tal-vot tiegħek
L-elezzjonijiet Ewropej fl-2024 se jsiru mill-Ħamis sal-Ħadd, 6 - 9 ta’ Ġunju 2024. Jekk int ċittadin tal-UE, għandek id-dritt li tivvota f’dawn l-elezzjonijiet, flimkien ma’ madwar 400 miljun Ewropew. U l-vot tiegħek huwa importanti. Inti parti mill-Ewropa u x’tirrappreżenta, u l-vot tiegħek se jgħin fit-tiswir u t-trawwim tal-futur komuni tagħna.
X’jiddeċiedi l-vot tiegħek?
L-elezzjonijiet Ewropej isiru kull ħames snin biex jeleġġu r-rappreżentanti tiegħek fil-Parlament Ewropew, l-unika assemblea transnazzjonali eletta direttament fid-dinja. Dawn ir-rappreżentanti jirrappreżentaw l-interessi tiegħek u jistgħu jsawru u jiddeċiedu dwar leġiżlazzjoni ġdida tal-UE. Huma jivvutaw ukoll dwar ftehimiet kummerċjali ġodda, jiskrutinizzaw l-istituzzjonijiet tal-UE u kif jintefqu l-flus tal-kontribwenti.
Skopri dwar il-fondi tal-UE fir-reġjun tiegħek u kif l-UE ttejjeb il-ħajja tiegħek ta’ kuljum
Il-progress miksub fil-prijoritajiet ewlenin tal-UE mill-2019 ’l hawn
Il-mexxejja tal-UE qed jiddiskutu d-direzzjoni u l-għanijiet tal-UE għall-ħames snin li ġejjin.
Kif u meta tivvota?
Jekk int ċittadin tal-UE, għandek id-dritt li tivvota u li toħroġ bħala kandidat fl-elezzjonijiet Ewropej. Kull pajjiż tal-UE jagħżel jum ta’ elezzjoni mill-Ħamis sal-Ħadd, 6 - 9 ta’ Ġunju 2024.
Dati, regoli, skadenzi u arranġamenti prattiċi rigward il-votazzjoni
Id-dritt tiegħek li tivvota f’pajjiżek jew barra pajjiżek
Informazzjoni u avvenimenti għaż-żgħażagħ dwar l-elezzjonijiet
Kif jinħatru l-mexxejja tal-UE?
Wara l-elezzjonijiet, il-Parlament Ewropew jivvota biex japprova l-President il-ġdid tal-Kummissjoni Ewropea, kif ukoll il-Kulleġġ tal-Kummissarji kollu. Il-Kummissjoni Ewropea l-ġdida mbagħad tinħatar mill-Kunsill Ewropew.
Mistoqsijiet u tweġibiet dwar il-Parlament Ewropew, il-membri u l-elezzjonijiet tiegħu
Elezzjonijiet u ħatriet għall-istituzzjonijiet tal-UE
Tixtieq ixxerred il-kelma?
Jista’ jkollok rwol attiv fit-tixrid tal-kelma dwar l-elezzjonijiet, il-benefiċċji u l-opportunitajiet tal-UE. Ħeġġeġ lill-oħrajn jivvutaw u jaqsmu l-ħsibijiet tagħhom dwar l-elezzjonijiet.
Ingħaqad mal-komunità flimkien.eu, irreġistra għall-aġġornamenti, sib avvenimenti qrib tiegħek, u ddawnlowdja r-riżorsi fuq din il-pjattaforma
Ingħaqad f’Panel taċ-Ċittadini Ewropej biex tikkontribwixxi għad-dibattiti u ssawwar il-politiki tal-UE
Materjal tat-tagħlim, logħob u ħafna aktar dwar l-UE u l-elezzjonijiet, għat-tfal, l-adolexxenti, l-għalliema u l-ġenituri
Għal kwalunkwe mistoqsija oħra dwar l-elezzjonijiet Ewropej, ikkuntattja lill-UE bil-miktub jew billi ċċempel 00 800 6 7 8 9 10 11 minn ġewwa l-UE (telefown bla ħlas) jew 0032 2 299 96 96 minn barra l-UE (rata internazzjonali standard).