Profili tal-istituzzjonijiet u l-korpi

L-Aġenzija tal-Unjoni Ewropea għall-Kooperazzjoni tar-Regolaturi tal-Enerġija taħdem għal suq tal-enerġija aktar kompetittiv, effiċjenti u sigur

L-Aġenzija Fornitriċi tal-Euratom taħdem biex iżżomm is-sigurtà tal-provvista ta’ materjali nukleari għall-utenti kollha tal-UE.

L-aġenzija tgħin biex tinżamm applikazzjoni konsistenti tar-regolamenti għall-komunikazzjonijiet elettroniċi fl-UE kollha.

Is-Cedefop jgħin lill-istituzzjonijiet u lill-organizzazzjonijiet jiżviluppaw u jissodisfaw il-bżonnijiet ta’ taħriġ.

Is-CEPOL tiżviluppa u torganizza programmi ta’ taħriġ għas-servizzi tal-pulizija u uffiċjali oħra tal-infurzar tal-liġi fl-UE.

Is-CERT-UE twieġeb għal inċidenti ta’ sigurtà tal-informazzjoni u theddid ċibernetiku li jaffettwaw is-sistemi tal-kompjuter tal-istituzzjonijiet, l-aġenziji u l-korpi kollha tal-UE.

L-Aġenzija Eżekuttiva għall-Innovazzjoni u n-Netwerks timmaniġġja l-infrastruttura u l-programmi tal-UE fl-oqsma tat-trasport, tal-enerġija u tat-telekomunikazzjonijiet.

Il-Kumitat tar-Reġjuni hu assemblea li tagħti pariri lill-istituzzjonijiet Ewropej dwar liġijiet li jaffettwaw l-ibliet u r-reġjuni tal-UE.

L-Uffiċċju Komunitarju tal-Varjetajiet tal-Pjanti jagħti drittijiet ta’ proprjetà intellettwali lil varjetajiet ġodda ta’ pjanti fl-UE.

L-Aġenzija tas-Sikurezza tal-Avjazzjoni Ewropea tippromwovi standards komuni tas-sikurezza u tal-ambjent għall-avjazzjoni ċivili fl-UE.

L-Awtorità Bankarja Ewropea taħdem biex timplimenta regoli standard għar-regolamentazzjoni u s-superviżjoni bankarja fil-pajjiżi kollha tal-UE.

Il-Qorti Ewropea tal-Awdituri tiżgura li l-fondi tal-UE jiġu kontabilizzati b’mod korrett, u li l-fondi kollha jinġabru u jintefqu f’konformità mar-regoli finanzjarji tal-UE.

Il-Bank Ċentrali Ewropew jimmaniġġja l-euro u jimplimenta l-politika ekonomika u monetarja tal-UE.

Iċ-Ċentru Ewropew għall-Prevenzjoni u l-Kontroll tal-Mard jgħin jipprepara lill-gvernijiet tal-UE biex iwaqqfu t-tixrid ta’ mard infettiv.

L-Aġenzija Ewropea għas-Sustanzi Kimiċi timplimenta l-leġiżlazzjoni tal-UE dwar is-sustanzi kimiċi.

L-Aġenzija Ewropea għad-Difiża tappoġġja lill-pajjiżi tal-UE (minbarra lid-Danimarka) fit-titjib tal-kapaċitajiet ta’ difiża tagħhom.

Il-Bord Ewropew għall-Protezzjoni tad-Data jipprovdi linji gwida u rakkomandazzjonijiet dwar kif għandhom jiġu applikati r-regoli dwar il-protezzjoni tad-data fl-UE.

Il-Kontrollur Ewropew għall-Protezzjoni tad-Data jiżgura li l-istituzzjonijiet u l-korpi tal-UE jipproteġu l-informazzjoni personali meta jipproċessaw id-data.

The European Environment Agency provides independent information to EU countries on developing, implementing and evaluating environmental policies.

Is-Servizz Ewropew għall-Azzjoni Esterna hu s-servizz diplomatiku tal-UE, u jwettaq il-politika estera u ta’ sigurtà tal-UE.