Aġenzija Ewropea għas-Sustanzi Kimiċi (ECHA)

Ħarsa ġenerali

• Rwol: l-ECHA tipproteġi s-saħħa u l-ambjent permezz tal-ħidma tagħha għas-sikurezza tas-sustanzi kimiċi
• Direttur: Sharon McGuinness
• Stabbilita: 2007
• Numru ta’ staff: madwar 600
• Lokalità: Helsinki, il-Finlandja
• Sit web: ECHA

L-Aġenzija Ewropea għas-Sustanzi Kimiċi (ECHA) taħdem għall-użu mingħajr periklu tas-sustanzi kimiċi. Hi timplimenta leġiżlazzjoni dwar is-sustanzi kimiċi innovattivi tal-UE, għall-benefiċċju tas-saħħa tal-bniedem, l-ambjent u l-innovazzjoni u l-kompetittività fl-Ewropa.

X’tagħmel

• Tgħin lill-kumpaniji jikkonformaw ma’ leġiżlazzjoni speċifika tal-UE dwar sustanzi kimiċi u bijoċidi:
  • REACH
  • Klassifikazzjoni, Ittikkettar u Ppakkjar (CLP)
  • Regolament dwar il-Prodotti Bijoċidali (BPR)
  • Regolament dwar Kunsens Informat minn Qabel (PIC).
• tikkoopera ma’ organizzazzjonijiet internazzjonali u partijiet ikkonċernati biex tippromwovi l-użu mingħajr periklu tas-sustanzi kimiċi
• tipprovdi informazzjoni dwar is-sustanzi kimiċi u l-użu sikur tagħhom permezz ta’ bażi tad-data unika mingħajr ħlas
• taħdem mal-Kummissjoni Ewropea u l-gvernijiet tal-UE biex jiġu identifikati sustanzi li jikkawżaw tħassib u jittieħdu deċiżjonijiet dwar l-immaniġġjar tar-riskju fil-livell tal-UE

Min jibbenefika

• Il-membri tal-pubbliku u l-ambjent huma anqas esposti għal sustanzi kimiċi perikolużi u jibbenefikaw minn prodotti aktar sikuri. Il-konsumaturi jistgħu jistaqsu dwar sustanzi kimiċi perikolużi fil-prodotti li jixtru.
• Il-ħaddiema u utenti oħrajn tas-sustanzi kimiċi jibbenefikaw minn informazzjoni mtejba dwar il-perikli tas-sustanzi kimiċi li jużaw, u kif jużawhom b'mod sikur.
• L-industrija tingħata għajnuna biex tikkonforma mal-leġiżlazzjoni. Kumpaniji innovattivi jistgħu jieħdu vantaġġ mill-ħtieġa li jeleminaw gradwalment l-aktar sustanzi perikolużi.
• Il-pajjiżi fil-fażi tal-iżvilupp jirċievu informazzjoni dwar kif jimmaniġġjaw is-sustanzi kimiċi perikulużi b'mod sikur.

Aktar informazzjoni

Dwar l-ECHA

Postijiet tax-xogħol vakanti

Aħbarijiet

Abbona fl-Aħbarijiet elettroniċi tal-ECHA

Informazzjoni dwar is-sustanzi kimiċi