L-Awtorità Bankarja Ewropea (EBA)

Ħarsa ġenerali

• L-irwol: biex jinbena qafas regolatorju u superviżorju uniku għall-UE kollha għas-settur bankarju
• President: François-Louis Michaud
• Is-sena meta twaqqfet: 2011
• L-għadd tal-persunal: 261
• Is-sede: Pariġi (Franza)
• Is-sit web: EBA

L-EBA hija l-aġenzija tal-UE li għandha l-kompitu li timplimenta sett standard ta' regoli biex tirregola u tissorvelja s-settur bankarju fil-pajjiżi tal-UE kollha. L-għan tagħha huwa li toħloq livell effiċjenti, trasparenti u stabbli tas-suq uniku tal-UE ta’ prodotti bankarji.

X’tagħmel

• tipprovdi input fil-ħolqien ta' sett standard u uniku ta' regoli għas-settur bankarju tal-UE - il-Ġabra Unika tar-Regoli
• tipprovdi żvelar ċentralizzat ta' data superviżorja dwar il-banek tal-UE (biex tiżdied it-trasparenza, id-dixxiplina fis-suq u l-istabbilità finanzjarja fl-UE)
• tippromwovi l-kooperazzjoni bejn l-awtoritajiet nazzjonali dwar gruppi bankarji superviżorji li joperaw f'aktar minn pajjiż wieħed u tagħti servizz ta' medjazzjoni f'tilwim li jinvolvi aktar minn pajjiż wieħed
• tippromwovi suq tal-UE li jkun trasparenti, sempliċi u ġust għall-konsumaturi ta' prodotti u servizzi finanzjarji, u tiżgura li l-konsumaturi kollha huma trattati b'mod ġust u jkunu protetti fl-UE kollha

Min jibbenefika

• l-istituzzjonijiet tal-UE
• in-negozji u l-konsumaturi fis-settur bankarju
• l-ekonomija tal-UE b'mod aktar wiesgħa

Aktar tagħrif

Aħbarijiet u stampa

Rapporti annwali

Regolament u politika

Analiżi tar-riskju u data

Rokna tal-konsumaturi

Opportunitajiet ta’ xogħol