Ħarsa ġenerali
- Rwol: L-Europol jgħin lill-awtoritajiet tal-infurzar tal-liġi nazzjonali fil-ġlieda kontra l-kriminalità internazzjonali serja u t-terroriżmu.
- Direttur: Catherine De Bolle
- Stabbilit fi: 1999
- Għadd ta’ persunal: 900+
- Post: L-Aja (in-Netherlands)
- Sit web: Europol
L-Uffiċċju Ewropew tal-Pulizija (Europol) huwa l-aġenzija tal-infurzar tal-liġi tal-UE u l-kompitu tiegħu huwa li jgħin biex l-Ewropa ssir aktar sikura billi jassisti lill-awtoritajiet tal-infurzar tal-liġi fil-pajjiżi membri tal-UE.
Dak li tagħmel
L-Europol joffri firxa unika ta' servizzi filwaqt li jibbenefika mill-pożizzjoni ċentrali tiegħu fl-arkitettura tas-sigurtà Ewropea:
- jagħti appoġġ lill-operazzjonijiet tal-infurzar tal-liġi fuq l-art
- iservi ta' ċentru fejn tinġabar l-informazzjoni dwar l-attivitajiet kriminali
- hu ċentru għall-għarfien espert dwar l-infurzar tal-liġi.
L-Europol jimpjega madwar 100 analist kriminali li huma fost l-aktar imħarrġa fl-Ewropa. Dan iwassal sabiex ikun wieħed mill-akbar konċentrazzjonijiet ta' kapaċità analitika fl-UE. L-analisti jużaw l-aktar għodda avvanzata biex jappoġġjaw l-investigazzjonijiet tal-aġenziji nazzjonali kuljum.
Sabiex l-imsieħba tiegħu jkollhom ħarsa aktar profonda fil-problemi kriminali li jaffaċċjaw, l-Europol jipproduċi analiżi regolari fuq żmien twil tal-kriminalità u t-terroriżmu.
Min jibbenifika
- L-aġenziji tal-infurzar tal-liġi li għandhom appoġġ operazzjonali l-ħin kollu.
- Id-dipartimenti tal-gvern u kumpaniji privati li jaħdmu fi sħubija mal-Europol.
- L-Istati Membri tal-UE, appoġġjati fl-investigazzjonijiet, fl-attivitajiet operattivi u fil-proġetti tagħhom biex jiġu indirizzati t-theddidiet kriminali.
Ara wkoll
Kuntatt
l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol)
- Isem
- l-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol)
- Sit web
- https://www.europol.europa.eu/mt/about-europol/
- Numru tat-telefown
- +31 70 302 50 00
- Numru tal-faks
- +31 70 345 58 96
- Indirizz postali
- Eisenhowerlaan 73, 2517 KK Den Haag, Netherlands
- Media soċjali