Servizz taċ-Ċibersigurtà għall-Istituzzjonijiet, il-Korpi, l-Uffiċċji u l-Aġenziji tal-Unjoni (CERT-UE)

Ħarsa ġenerali

• Rwol: Tgħin biex l-infrastruttura tal-ICT tal-istituzzjonijiet, il-korpi u l-aġenziji kollha tal-UE ssir aktar sigura
• Kap: Saâd Kadhi
• Sħab (jekk applikabbli): CERTs f’pajjiżi tal-UE u mhux tal-UE, organizzazzjonijiet u fora internazzjonali, kumpaniji speċjalizzati tas-sigurtà tal-IT
• Stabbilita: 2011
• Numru ta’ staff: 45
• Lokalità: Brussell
• Sit web: CERT-UE

X’tagħmel

Is-CERT-UE hi magħmula minn tim ta’ esperti tas-sigurtà tal-IT mill-istituzzjonijiet u l-korpi tal-UE. Hi tiġbor, timmaniġġja, tanalizza u tixxerja informazzjoni mal-istituzzjonijiet, il-korpi u l-aġenziji tal-UE dwar theddid, vulnerabbiltajiet u inċidenti relatati ma’ infrastruttura tal-ICT mhux klassifikata. Tikkoordina wkoll ir-reazzjonijiet għall-inċidenti fil-livell istituzzjonali u interistituzzjonali, pereżempju, billi tipprovdi jew tikkoordina l-għoti ta’ assistenza operazzjonali speċjalizzata.

Min jibbenefika?

L-istituzzjonijiet, il-korpi u l-aġenziji tal-UE jibbenefikaw mill-ħidma tas-CERT-UE. Is-CERT-UE toffri diversi servizzi speċifiċi mmirati lejn il-prevenzjoni, l-identifikazzjoni, il-mitigazzjoni u r-rispons għal attakki ċibernetiċi. Hi tappoġġja l-istituzzjonijiet, il-korpi u l-aġenziji kollha tal-UE billi tixxerja informazzjoni dwar theddid u vulnerabbiltajiet li jistgħu jaffettwaw l-infrastruttura tal-ICT tagħhom u billi tipprovdi miżuri protettivi jew ta’ rimedju.

Is-CERT-UE tikkoopera mas-CERTs nazzjonali (kemm f’pajjiżi tal-UE kif ukoll f’pajjiżi mhux tal-UE) u sħab internazzjonali, dan jgħin biex jitjieb il-livell ta’ skambju ta’ informazzjoni fl-UE u lil hinn minnha.

Aktar Informazzjoni

Memos u briefs tas-CERT-UE

Mappa tal-Iskrin Kbira tas-CERT-UE

L-aħħar aħbarijiet dwar iċ-ċibersigurtà