Ċentru Ewropew għall-Prevenzjoni u l-Kontroll tal-Mard (ECDC)

Ħarsa ġenerali

• Rwol: It-tisħiħ tad-difiżi tal-Ewropa kontra l-mard infettiv
• Direttur: Dr Pamela Rendi-Wagner
• Meta twaqqaf: 2005
• Numru ta’ impjegati: 290
• Post: Stokkolma (l-Iżvezja)
• Sit web: ECDC

L-aħħar informazzjoni dwar il-COVID-19 mill-ECDC

X’jagħmel

• Janalizza u jinterpreta d-data mill-pajjiżi tal-UE dwar 52 marda u kundizzjoni komunikabbli, bl-użu tas-Sistema Ewropea ta' Sorveljanza (TESSy).
• Jipprovdi pariri xjentifiċi lill-gvernijiet u lill-istituzzjonijiet tal-UE.
• Jiżgura detezzjoni bikrija u analiżi tat-theddid emerġenti għall-UE.
• Jikkoordina l-Programm Ewropew ta' Taħriġ fl-Epidemjoloġija tal-Intervent (EPIET) u l-Programm Ewropew ta' Taħriġ fil-Mikrobijoloġija fis-Saħħa Pubblika (EUPHEM).
• Jgħin lill-gvernijiet tal-UE jippreparaw għat-tifqigħat tal-mard.
• Jorganizza l-ESCAIDE, il-Konferenza Ewropea Xjentifika dwar l-Epidemjoloġija Applikata tal-Mard Li Jittieħed, konferenza annwali ta' 3 jiem.

Min jibbenefika

• il-komunità tas-saħħa pubblika fl-Ewropa, b'mod partikolari
  • il-korpi nazzjonali u subnazzjonali tas-saħħa pubblika fl-UE/ŻEE
  • l-istituzzjonijiet tal-UE
  • pesuni oħrajn li jfasslu l-politiki Ewropej
• il-professjonisti tal-kura tas-saħħa, ir-riċerkaturi, l-organizzazzjonijiet internazzjonali u l-awtoritajiet nazzjonali barra l-Ewropa.