L-Aġenzija tal-Unjoni Ewropea għat-Tmexxija Operattiva tas-Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (eu-LISA)

Ħarsa ġenerali

• Rwol: Tappoġġja l-implimentazzjoni tal-politiki tal-Ġustizzja u l-Affarijiet Interni tal-UE billi timmaniġġja sistemi tal-IT fuq skala wiesgħa
• Direttur: Tillmann Keber
• Stabbilita: fl-2011, operazzjonali mill-1 ta’ Diċembru 2012
• Numru ta’ persunal: 417 (tmiem l-2025)
• Lokalità: Sede: Tallinn (l-Estonija), sit operazzjonali: Strasburgu (Franza), sit ta’ appoġġ: Sankt Johann im Pangau (l-Awstrija)
• Sit web: eu-LISA

L-eu-LISA tipprovdi appoġġ teknoloġiku għall-isforzi tal-pajjiżi tal-UE biex l-Ewropa ssir aktar sigura.

X’tagħmel

Hi timmaniġġja sistemi tal-IT integrati fuq skala wiesgħa li

• imantnu s-sigurtà interna u l-ġestjoni tal-fruntieri fil-pajjiżi ta’ Schengen
• jippermettu lill-pajjiżi ta' Schengen jiskambjaw data dwar il-viżi
• jiddeterminaw liema pajjiż tal-UE jkun responsabbli biex jeżamina applikazzjoni għall-ażil partikulari.

Tgħin tiżgura li l-Ewropej jistgħu jivvjaġġaw b'mod ħieles fl-UE, mingħajr ma tikkomprometti s-sigurtà tal-UE.

L-aġenzija tittestja wkoll teknoloġiji ġodda biex tgħin tidħol fis-seħħ sistema ta' mmaniġġjar tal-fruntieri fl-UE aktar moderna, effiċjenti u sigura. Bħalissa qed tiżviluppa sistemi futuri tal-UE għall-ġestjoni tal-fruntieri, fosthom l-ETIAS, kif ukoll l-ECRIS-TCN, l-e-CODEX, u s-CP tas-SIK, li se jservu fil-qasam tal-ġustizzja tal-Ewropa. 

Min jibbenefika

Ir-residenti tal-UE, li jistgħu jgħixu u jivvjaġġaw b'mod ħieles u b'mod sikur fl-UE.

Aktar tagħrif

L-eu-LISA Newsroom