Fuinneamh Comhleá (F4E)

Forléargas

• Ról: bainistíonn sé rannchuidiú an Aontais le ITER agus comhoibríonn sí leis an tSeapáin maidir le tionscadail taighde agus forbartha comhleá
• Stiúrthóir: Marc Lachaise
• Bliain a bhunaithe: 2007
• An líon foirne: 446
• Láthair: Barcelona (an Spáinn)
• Suíomh Gréasáin: Fuinneamh Comhleá

Gníomhaíochtaí

Is í eagraíocht an Aontais a bhainistíonn rannchuidiú an Aontais le tionscadal ITER, agus ceapadh í chun indéantacht eolaíoch agus theicneolaíoch na comhleá a léiriú. 

Ar na príomhdhualgais atá air tá cuidiú le lucht tionsclaíochta, fiontair bheaga agus meánmhéide agus eagraíochtaí taighde an méid a leanas a fhorbairt agus a chur ar fáil:

• réimse comhpháirteanna teicneolaíochta
• agus seirbhísí innealtóireachta cothabhála agus tacaíochta chun taca a chur faoi ITER. 

Is é is aidhm do ITER taighde a dhéanamh ar an gcomhleá, foinse cumhachta na gréine agus na réaltaí. Is í forbairt foinse fuinnimh atá sábhailte, neamhtheoranta agus freagrach i leith an chomhshaoil an cuspóir atá aige. Is é an tAontas a sheasfaidh beagnach leath de na costais tógála, agus roinnfear an fuílleach go cothrom ar na 6 chomhpháirtí eile:

• an tSín
• an tSeapáin
• an India
• Poblacht na Cóiré
• Cónaidhm na Rúise
• Stáit Aontaithe Mheiriceá.

Tá an tionscadal lonnaithe sa Fhrainc. 

Tacaíonn Fuinneamh Comhleá (F4E) le tionscnaimh taighde agus forbartha trí bhíthin an Chomhaontaithe um Chur Chuige Níos Fairsinge a síníodh leis an tSeapáin. Is í an fheidhm atá aige ullmhú do thógáil imoibreoirí taispeána comhleá (DEMO). 

Cé a bhaineann tairbhe as?

• an pobal i gcoitinne san Aontas – trí mheascadh fuinnimh atá níos leithne agus níos inbhuanaithe
• lucht tionsclaíochta na hEorpa, fiontair bheaga agus meánmhéide agus eagraíochtaí taighde agus forbartha – a bhuí le comhpháirtíocht thréan iomaíoch sa mhargadh fuinnimh chomhleáite a bheidh ann sa todhchaí
• iomaíochas Eorpach – a bhuí leis an spreagadh don nualaíocht, don fhás, don saineolas agus don fhostaíocht
• an tAontas Fuinnimh Eorpach agus a thionchar idirnáisiúnta.

Tuilleadh eolais

Nuachtlitir

Buaicphointí

Tuarascáil Bhliantúil

Bileoga eolais

Bróisiúir