Aimsigh an lárionad EUROPE DIRECT is gaire duit

Is é misean na lárionad EUROPE DIRECT an tAontas a thabhairt níos gaire dá shaoránaigh. Tá thart ar 400 lárionad ar fud na hEorpa ann, agus tá sé éasca nascadh leis an Aontas Eorpach san áit ina bhfuil cónaí ort.

Is cuid de do phobal áitiúil iad na lárionaid sin: éisteann siad, cuireann siad eolas ar fáil, agus cruthaíonn siad spás le haghaidh plé oscailte faoin tionchar atá ag an Aontas ar do shaol laethúil. Déanann siad an méid seo a leanas:

• eolas úsáideach a chomhroinnt faoi thionscnaimh an Aontais agus faoi chearta na saoránach, imeachtaí áitiúla agus plé a eagrú, agus oibriú go dlúth le scoileanna, leis na meáin, le comhlachais agus le comhpháirtithe pobail eile
• tá eolas acu ar thopaicí a bhaineann leis an Aontas agus ar réaltachtaí áitiúla araon, ionas gur féidir leo an méid atá tábhachtach duitse a mhíniú ar bhealach soiléir
• éisteacht le do thuairimí agus cuidiú chun iad a chur faoi bhráid an Choimisiúin Eorpaigh, lena chinntiú go bhfuil do ghuth páirteach sa chomhrá.

Glac páirt ina ngníomhaíochtaí, faigh an t-eolas is déanaí faoi shaincheisteanna an Aontais a bhaineann le do cheantar, agus cuir ceisteanna nó déan beartais agus deiseanna a phlé.

Lárionaid EUROPE DIRECT i do thírse

Faigh amach cén t-ionad EUROPE DIRECT is gaire duit ar an léarscáil nó trí chliceáil ar bhratach na tíre ón liosta thíos.