An Comhghnóthas um Hidrigin Ghlan

Forléargas

• Ról: An Comhghnóthas um Hidrigin Ghlan, nó an Chomhpháirtíocht um Hidrigin Ghlan, is comhpháirtíocht phríobháideach phoiblí uathúil é a thacaíonn le gníomhaíochtaí taighde agus nuálaíochta i dteicneolaíochtaí hidrigine san Eoraip. Cuireann sé leis an rath a bhí ar an gComhghnóthas um Chealla Breosla agus um Hidrigin, an comhghnóthas a bhí ann roimhe.
• Stiúrthóir Feidhmiúcháin ad interim: Mirela Atanasiu 
• Bliain a bhunaithe: 2021
• An líon foirne: 31
• Suíomh: An Bhruiséil, an Bheilg 
• Suíomh gréasáin: An Comhghnóthas um Hidrigin Ghlan

Is é príomhaidhm na Comhpháirtíochta um Hidrigin Ghlan rannchuidiú leis an gComhaontú Glas don Eoraip agus leis an straitéis hidrigine trí ghníomhaíochtaí taighde agus nuálaíochta a mhaoiniú.

An méid a dhéanann sé

Is é is aidhm don Chomhpháirtíocht um Hidrigin Ghlan dlús a chur le forbairt agus le húsáid an tslabhra luacha Eorpaigh le haghaidh teicneolaíochtaí hidrigine glana atá sábháilte agus inbhuanaithe, agus a iomaíochas a neartú chun tacú le gnó, go háirithe FBManna. Fágann sé sin gur féidir réitigh nuálacha ghlana iomaíocha a chur ar an margadh go gasta.

Is é an sprioc dheiridh cuidiú leis an méid seo a leanas:

• córas fuinnimh don Aontas atá inbhuanaithe, dícharbónaithe agus comhtháite go hiomlán
• straitéis hidrigine an Aontais, ag a bhfuil ról tábhachtach maidir lena threochlár i dtreo na haeráidneodrachta a chur chun feidhme.

Cé dó a ndéanann sé tairbhe?

An pobal – cuideoidh sé chun spriocanna fuinnimh agus aeráide 2030 a bhaint amach, agus an rud is tábhachtaí, chun an aeráidneodracht a chur i gcrích faoi 2050.

An geilleagar – cuideoidh sé le daoine scileanna a bhaineann leis an tionscal a fhoghlaim agus lucht saothair Eorpach a dhaingniú a fhéadfaidh an teicneolaíocht cheannródaíoch is gá a fhorbairt chun go bhfanfaidh siad ina gceannródaithe ar an margadh.

Gnólachtaí beaga agus meánmhéide – trí theicneolaíochtaí hidrigine glana a mhéadú agus a bhfeidhmeanna a leathnú, neartóidh sé iomaíochas an Aontais agus tacóidh sé le FBManna trí réitigh nuálacha ghlana iomaíocha a chur ar an margadh go tapa.

An pobal eolaíoch agus an saol acadúil – neartóidh sé agus comhtháthóidh sé acmhainneacht eolaíoch agus theicneolaíoch an Aontais chun cuidiú chun eolas ardchaighdeáin nua a chruthú agus a scaipeadh.