L-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA)

Ħarsa ġenerali

• Rwol: Tiġbor, tanalizza u xxerred informazzjoni għal dawk involuti fis-sikurezza u s-saħħa fuq il-post tax-xogħol
• Direttur: Dr Christa Sedlatschek
• Stabbilita: fl-1994
• Numru ta’ persunal: 67
• Post: Bilbao (Spanja)
• Sit web: EU-OSHA

EU-OSHA taħdem biex tagħmel il-postijiet tax-xogħol Ewropej aktar sikuri, aktar tajbin għas-saħħa u aktar produttivi – għall-benefiċċju tan-negozji, il-ħaddiema u l-gvernijiet. L-aġenzija tippromwovi kultura ta’ prevenzjoni tar-riskju biex jittejbu l-kundizzjonijiet tax-xogħol fl-Ewropa.

Dak li tagħmel

• Tantiċipa l-bidla: Proġetti ta' Antiċipazzjoni jenfasizzaw u jistudjaw riskji ġodda u emerġenti tal-OSH
• Fatti u ċifri: il-ġbir u d-disseminazzjoni tal-informazzjoni permezz tal-istħarriġ ESENER dwar l-intrapriżi u ħarsiet ġenerali tal-OSH dwar temi speċifiċi biex jiġu identifikati l-prijoritajiet
• Għodod għall-immaniġġjar tajjeb tal-OSH: Valutazzjoni tar-Riskju Interattiva Onlajn (OiRA) għall-intrapriżi żgħar u medji
• Tqajjem kuxjenza: permezz ta' Kampanji dwar Postijiet tax-Xogħol Ħielsa mill-Periklu fl-Ewropa u ta' films NAPO dwar is-sikurezza u s-saħħa fuq il-post tax-xogħol
• Tagħrif dwar in-netwerking: enċiklopedija onlajn OSHwiki b'informazzjoni preċiża u ta' min joqgħod fuqha dwar l-OSH
• Netwerking strateġiku: sħubijiet mal-gvernijiet, l-organizzazzjonijiet ta’ min iħaddem u tal-ħaddiema

Min jibbenifika

Lil min għandna l-għan li nappoġġjaw:

• lil dawk li jfasslu l-politika nazzjonali u tal-UE
• lid-ditti, speċjalment il-mikroditti u d-ditti żgħar
• lill-impjegati u r-rappreżentanti tagħhom
• lil min iħaddem
• lill-professjonisti u r-riċerkaturi tal-OSH
• lill-membri tal-pubbliku fl-UE.

Ma' min naħdmu:

• mal-punti fokali u n-netwerks tagħhom
• mal-imsieħba soċjali
• mal-gvernijiet nazzjonali
• mal-istituzzjonijiet, il-korpi u l-kumitati Ewropej
• mal-Parlament tal-UE - Kumitat tal-Impjiegi
• mal-Kummissjoni tal-UE - DĠ EMPL, DĠ GROW
• ma' EASME – In-Netwerk Ewropa għall-Intrapriżi
• mal-Kunsill tal-UE
• mal-intrapriżi kbar u l-federazzjonijiet settorjali
• mas-servizzi preventivi
• mar-riċerkaturi tal-OSH
• mal-ispetturi tax-xogħol
• mal-organizzazzjonijiet internazzjonali u reġjonali.

Ara wkoll

Fuljett korporattiv

Programm strateġiku pluriennali għall-2021-2027  

Għodod u pubblikazzjonijiet

Kamra għall-istampa

Newsletter elettronika ta' kull xahar

Impjiegi