An Lárionad Eorpach um Fhorbairt na Gairmoiliúna

Forbhreathnú

Ról: Cuireann Cedefop ar fáil na sonraí a mbunaítear beartais ghairmoideachais agus ghairmoiliúna orthu san Aontas Eorpach
Stiúrthóir Feidhmiúcháin: Jürgen Siebel
Bliain a bhunaithe: 1975
An líon foirne: 98
Suíomh: Thessaloniki (An Ghréig)
Suíomh Gréasáin: Cedefop

Cuidíonn an Lárionad Eorpach um Fhorbairt na Gairmoiliúna (Cedefop) beartais ghairmoideachais agus ghairmoiliúna an Aontais a cheapadh agus a chur i bhfeidhm. Déanann sé monatóireacht ar mhargaí saothair agus cuidíonn sé leis an gCoimisiún Eorpach, leis na Ballstáit, le heagraíochtaí fostóirí agus le ceardchumainn an saghas oiliúna a chuirtear ar fáil a chur in oiriúint do riachtanais an mhargaidh saothair.

Gníomhaíochtaí

Is éard atá in Cedefop eagraíocht de chuid an Aontais a thugann i gceann a chéile lucht ceaptha beartas, eagraíochtaí fostóirí agus ceardchumainn, institiúidí oiliúna, múinteoirí agus oiliúnóirí, agus foghlaimeoirí de gach aois – is é sin gach dream a mbaineann an gairmoideachas agus an ghairmoilúint leis.

Ós ní é gur ag an gcrosbhóthar idir córais oideachais agus an saol oibre atá sé suite, tá Cedefop mar a bheadh fóram ann inar féidir le dreamanna a mbaineann a chuid oibre leo smaointe a roinnt le chéile agus plé a dhéanamh ar an dóigh is fearr le feabhas a chur ar an ngairmoideachas agus ar an ngairmoiliúint san Eoraip. Roinneann sé a chuid saineolais le heagraíochtaí polaitiúla agus le lucht tionscadail sna Ballstáit chun cuidiú leo deiseanna foghlama agus oibre a chur ar fáil.

Cé a bhaineann tairbhe as?

A bhuí le cuid oibre Cedefop:

cuidítear le daoine óga imeacht ón oideachas go dtí an margadh saothair
cuidítear le luathfhágálaithe scoile filleadh ar an oideachas agus ar an oiliúint
cuidítear le daoine fásta atá dífhostaithe nó tearcfhostaithe filleadh ar an oideachas agus fócas a ngairm bheatha a athdhíriú
cuirtear baill foirne treoraíochta agus comhairleoireachta ar fáil a bhfuil dearcadh uile-Eorpach acu
cuidítear le saoránaigh den Aontas aistriú go tíortha eile agus go córais eile agus a gcuid cáilíochtaí leanúint de bheith bailí
cuidítear le tíortha an Aontais na printíseachtaí a chuireann siad ar fáil a athchóiriú
cuidítear le lucht ceaptha beartas ar an leibhéal Eorpach, náisiúnta agus réigiúnach cinntí feasacha a dhéanamh faoin ngairmoideachas agus faoin ngairmoiliúint.

Tuilleadh eolais

Teagmháil