Skola Ewropea tal-Amministrazzjoni (EUSA)

Ħarsa ġenerali

• Rwol: Il-missjoni tal-Iskola Ewropea tal-Amministrazzjoni hi li tipprovdi opportunitajiet ta’ tagħlim ta’ kwalità għolja li jissodisfaw il-ħtiġijiet tal-istituzzjonijiet kollha tal-UE u tal-istaff tagħhom.
• Kap: Anna Mitelman
• Stabbilita: fl-2005
• Numru ta’ staff: 20
• Post: Brussell u l-Belt tal-Lussemburgu
• Sit web: Skola Ewropea tal-Amministrazzjoni 

X’tagħmel

L-Iskola Ewropea tal-Amministrazzjoni tipprovdi opportunitajiet ta’ taħriġ għall-istaff tal-UE. L-offerta ta’ tagħlim tinkludi:

• Programmi ta’ żvilupp ta’ management u tmexxija
• Korsijiet ta’ taħriġ għal parteċipanti ġodda
• Ċertifikazzjoni: proċedura li biha l-uffiċjali jistgħu jiċċaqalqu mill-grupp ta’ funzjoni ta’ assistent (AST) għall-grupp ta’ funzjoni ta’ amministratur (AD)
• Taħriġ ta’ Ħiliet Ewlenin għall-istaff tal-UE (inklużi korsijiet u sessjonijiet ta’ ħidma dwar ir-reżiljenza)
• Programm Erasmus għall-Amministrazzjoni Pubblika: żjarat ta’ studju qosra għal impjegati żgħażagħ taċ-ċivil nazzjonali mill-pajjiżi tal-UE li xogħolhom jinvolvi affarijiet tal-UE.
• DISPA: network ta’ Diretturi tal-Istituti u l-Iskejjel tal-Amministrazzjoni Pubblika tal-Istati Membri, kif ukoll l-Istitut Ewropew tal-Amministrazzjoni Pubblika (EIPA). L-istituzzjonijiet tal-UE huma rrappreżentati mill-Iskola Ewropea tal-Amministrazzjoni u mill-Unità tat-Tagħlim u l-Iżvilupp tal-Kummissjoni Ewropea. L-għan ta’ dan in-network hu li jippromwovi l-kooperazzjoni u l-iskambju ta’ prattika tajba fil-qasam tat-taħriġ għall-impjegati taċ-ċivil.

Min jibbenefika? 

L-istaff tal-istituzzjonijiet u tal-aġenziji tal-UE jibbenefika minn din l-offerta ta’ tagħlim, li tgħin lill-istaff tal-UE jikber professjonalment, jiżviluppa ħiliet ġodda u, fl-aħħar mill-aħħar, jilħaq il-potenzjal tiegħu. 

Aktar Informazzjoni

Uffiċċju Ewropew għas-Selezzjoni tal-Persunal