Fittex l-istituzzjonijiet u l-korpi kollha tal-UE.

Din l-aġenzija tal-Kummissjoni timmaniġġja l-programmi tal-UE li jgħinu lin-negozji ż-żgħar jibqgħu kompetittivi, kif ukoll programmi dwar ir-riċerka, l-ambjent, l-enerġija u l-industrija tas-sajd.

L-Aġenzija Fornitriċi tal-Euratom taħdem biex iżżomm is-sigurtà tal-provvista ta’ materjali nukleari għall-utenti kollha tal-UE.

L-Aġenzija Eżekuttiva Ewropea għall-Klima, l-Infrastruttura u l-Ambjent (CINEA) timmaniġġja l-programmi tal-Kummissjoni Ewropea li jikkontribwixxu għad-dekarbonizzazzjoni u t-tkabbir sostenibbli.

L-Aġenzija Eżekuttiva Ewropea għall-Edukazzjoni u għall-Kultura (EACEA) timmaniġġja l-finanzjament għall-edukazzjoni, il-kultura, l-awdjoviżiv, l-isport, iċ-ċittadinanza u l-volontarjat.

L-Aġenzija Ewropea għad-Difiża tappoġġja lill-pajjiżi kollha tal-UE fit-titjib tal-kapaċitajiet ta’ difiża tagħhom.

L-Aġenzija Eżekuttiva għall-Kunsill Ewropew tar-Riċerka timmaniġġja l-programmi tal-UE dwar ir-riċerka.

Fużjoni għall-Enerġija timmaniġġja l-kontribuzzjoni tal-UE għall-proġett ta’ riċerka dwar il-fużjoni, l-ITER.

L-Aġenzija Eżekuttiva għas-Saħħa u għall-Qasam Diġitali (HaDEA) tindirizza l-ambizzjoni tal-Kummissjoni Ewropea li tgħin biex tinbena mill-ġdid Ewropa wara l-COVID-19, li tkun aktar ekoloġika, aktar diġitali, aktar reżiljenti u aktar adatta għall-isfidi kurrenti u futuri.

L-Impriża Konġunta Avjazzjoni Nadifa tiżviluppa teknoloġiji innovattivi biex tnaqqas l-emissjonijiet tas-CO2 tal-inġenji tal-ajru u tnaqqas l-istorbju.

L-Impriża Konġunta għall-Computing ta’ Prestazzjoni Għolja Ewropew taħdem fuq l-iżvilupp ta’ ekosistema tas-supercomputing ta’ klassi dinjija fl-UE.

L-Impriża Konġunta Idroġenu Nadif tappoġġja r-riċerka u l-innovazzjoni fit-teknoloġiji tal-idroġenu fl-Ewropa.

L-Impriża Konġunta Inizjattiva għal Saħħa Innovattiva qed tibdel ir-riċerka u l-innovazzjoni fil-qasam tas-saħħa f’benefiċċji reali għall-pazjenti u s-soċjetà u qed tagħmel l-industriji tas-saħħa tal-Ewropa globalment kompetittivi.

L-Impriża Konġunta Sistema Ferrovjarja Ewropea tfittex li twassal network ferrovjarju tal-UE b’kapaċità għolja, flessibbli, sostenibbli, affidabbli u integrat għall-passiġġieri u l-merkanzija Ewropej.

L-Impriża Konġunta taċ-Ċipep issaħħaħ l-awtonomija strateġika tal-UE fis-settur tal-komponenti u s-sistemi elettroniċi.

L-Aġenzija Eżekuttiva għar-Riċerka hi korp ta' finanzjament għar-riċerka u l-innovazzjoni. Hi timmaniġġja l-għotjiet tal-UE għar-riċerka.

L-impriża Konġunta Ewropa Ċirkolari b’Bażi Bijoloġika taħdem fuq l-avvanz tal-industriji kompetittivi b’bażi bijoloġika fl-Ewropa.

L-Impriża Konġunta Networks u Servizzi Intelliġenti trawwem l-allinjament mal-pajjiżi tal-UE għar-riċerka u l-innovazzjoni tas-6G, u tagħti spinta lill-introduzzjoni tal-5G fl-Ewropa.

L-Impriża Konġunta Saħħa Globali EDCTP3 tappoġġja r-riċerka kollaborattiva biex jiġu żviluppati interventi mediċi aċċessibbli, xierqa u affordabbli għall-ġlieda kontra l-mard infettiv relatat mal-faqar fl-Afrika sub-Saħarjana.

L-Istitut Ewropew tal-Innovazzjoni u t-Teknoloġija għandu l-għan li jżid l-innovazzjoni permezz tal-kooperazzjoni bejn l-industrija u l-organizzazzjonijiet tal-edukazzjoni.