Istitut tal-Unjoni Ewropea għall-Istudji dwar is-Sigurtà (EUISS)

Ħarsa ġenerali

• Ir-rwol tiegħu: li jipprovdi analiżi tal-kwistjonijiet tal-politika barranija, ta’ sigurtà u ta’ difiża
• Direttur: Steven Everts
• Stabbilit fis-sena: 2002
• Persunal: 40
• Lokalità: kwartieri ġenerali f’Pariġi (Franza), b’uffiċċju ta’ kollegament fi Brussell (il-Belġju)
• Sit web: EUISS

X’jagħmel l-EUISS

L-Istitut tal-Unjoni Ewropea għall-Istudji dwar is-Sigurtà (EUISS) huwa l-grupp ta’ riflessjoni tal-politika barranija u ta’ sigurtà tal-UE. Jipprovdi analiżi kritika u għarfien biex jinforma l-għażliet strateġiċi tal-UE.

Il-missjoni tiegħu hija li:

• janalizza: iwettaq riċerka u analiżi rigorużi biex jipprovdi lil dawk li jfasslu l-politika b’fehim ċar u komprensiv tax-xenarju tas-sigurtà globali
• jgħarraf: joffri rakkomandazzjonijiet rilevanti għall-politika biex jissawru politiki effettivi tal-UE dwar l-affarijiet barranin, is-sigurtà u d-difiża
• jgħaqqad: iservi bħala pont bejn id-dinja tal-ideat (il-gruppi ta’ riflessjoni tal-Ewropa u l-komunità akkademika) u d-dinja tat-tfassil tal-politika (l-UE u l-uffiċjali tal-Istati Membri).

Min jibbenefika

Bħala parti mill-missjoni tiegħu, l-EUISS jipproduċi pubblikazzjonijiet aċċessibbli għall-pubbliku dwar kwistjonijiet barranin, ta’ sigurtà u ta’ difiża li jsawru l-aġenda strateġika tal-UE.

L-avvenimenti tiegħu jagħtu spinta lill-kapaċità analitika tal-UE u jgħinu biex jissawru approċċi komuni. Dawn l-avvenimenti jiġbru flimkien lill-uffiċjali tal-UE, lill-esperti nazzjonali, lill-akkademiċi, lil dawk li jieħdu d-deċiżjonijiet, lill-media u lir-rappreżentanti tas-soċjetà ċivili mill-Istati Membri tal-UE, u l-bqija tad-dinja.

Aktar informazzjoni

Pubblikazzjonijiet

Attivitajiet