Fittex l-istituzzjonijiet u l-korpi kollha tal-UE.

Din l-aġenzija tal-Kummissjoni timmaniġġja l-programmi tal-UE li jgħinu lin-negozji ż-żgħar jibqgħu kompetittivi, kif ukoll programmi dwar ir-riċerka, l-ambjent, l-enerġija u l-industrija tas-sajd.

Bħala l-bank tal-klima tal-UE, il-BEI jipprovdi finanzjament u pariri esperti għal proġetti li jindirizzaw it-tibdil fil-klima, irawwem l-integrazzjoni Ewropea, jippromwovi l-iżvilupp tal-UE u jappoġġja l-politiki tal-UE f’aktar minn 160 pajjiż.

L-Aġenzija Eżekuttiva Ewropea għall-Klima, l-Infrastruttura u l-Ambjent (CINEA) timmaniġġja l-programmi tal-Kummissjoni Ewropea li jikkontribwixxu għad-dekarbonizzazzjoni u t-tkabbir sostenibbli.

L-Aġenzija Eżekuttiva Ewropea għall-Edukazzjoni u għall-Kultura (EACEA) timmaniġġja l-finanzjament għall-edukazzjoni, il-kultura, l-awdjoviżiv, l-isport, iċ-ċittadinanza u l-volontarjat.

L-EPSO jipprovdi proċeduri ta’ selezzjoni ta’ kwalità għolja għar-reklutaġġ tal-istaff għall-istituzzjonijiet, il-korpi u l-aġenziji tal-UE.

L-Aġenzija Eżekuttiva għall-Kunsill Ewropew tar-Riċerka timmaniġġja l-programmi tal-UE dwar ir-riċerka.

L-Aġenzija Eżekuttiva għas-Saħħa u għall-Qasam Diġitali (HaDEA) tindirizza l-ambizzjoni tal-Kummissjoni Ewropea li tgħin biex tinbena mill-ġdid Ewropa wara l-COVID-19, li tkun aktar ekoloġika, aktar diġitali, aktar reżiljenti u aktar adatta għall-isfidi kurrenti u futuri.

Il-Bord Ewropew għall-Protezzjoni tad-<i>Data</i> jipprovdi linji gwida u rakkomandazzjonijiet dwar kif għandhom jiġu applikati r-regoli dwar il-protezzjoni tad-<i>data</i> fl-UE.

Il-Kontrollur Ewropew għall-Protezzjoni tad-Data jiżgura li l-istituzzjonijiet u l-korpi tal-UE jipproteġu l-informazzjoni personali meta jipproċessaw id-<i>data</i>.

Il-Kumitat Ekonomiku u Soċjali Ewropew hu korp konsultattiv tal-UE li joħroġ opinjonijiet lill-istituzzjonijiet l-oħra tal-UE.

Il-Kumitat tar-Reġjuni hu assemblea li tagħti pariri lill-istituzzjonijiet Ewropej dwar liġijiet li jaffettwaw l-ibliet u r-reġjuni tal-UE.

L-Impriża Konġunta Avjazzjoni Nadifa tiżviluppa teknoloġiji innovattivi biex tnaqqas l-emissjonijiet tas-CO2 tal-inġenji tal-ajru u tnaqqas l-istorbju.

L-Impriża Konġunta għall-Computing ta’ Prestazzjoni Għolja Ewropew taħdem fuq l-iżvilupp ta’ ekosistema tas-supercomputing ta’ klassi dinjija fl-UE.

L-Impriża Konġunta Idroġenu Nadif tappoġġja r-riċerka u l-innovazzjoni fit-teknoloġiji tal-idroġenu fl-Ewropa.

L-Impriża Konġunta Inizjattiva għal Saħħa Innovattiva qed tibdel ir-riċerka u l-innovazzjoni fil-qasam tas-saħħa f’benefiċċji reali għall-pazjenti u s-soċjetà u qed tagħmel l-industriji tas-saħħa tal-Ewropa globalment kompetittivi.

L-Impriża Konġunta Sistema Ferrovjarja Ewropea tfittex li twassal network ferrovjarju tal-UE b’kapaċità għolja, flessibbli, sostenibbli, affidabbli u integrat għall-passiġġieri u l-merkanzija Ewropej.

L-Impriża Konġunta taċ-Ċipep issaħħaħ l-awtonomija strateġika tal-UE fis-settur tal-komponenti u s-sistemi elettroniċi.

Is-Servizz Ewropew għall-Azzjoni Esterna hu s-servizz diplomatiku tal-UE, u jwettaq il-politika estera u ta’ sigurtà tal-UE.

L-Aġenzija Eżekuttiva għar-Riċerka hi korp ta' finanzjament għar-riċerka u l-innovazzjoni. Hi timmaniġġja l-għotjiet tal-UE għar-riċerka.