Lá na hEorpa 2020, le himeachtaí éagsúla ar líne, thug institiúidí an Aontais ómós don iliomad Eorpach atá ag cabhrú linn anseo san Aontas, le fonn mór dlúthpháirtíochta, chun géarchéim an choróinvíris a chur dínn. Féach leat anseo rogha teistiméireachtaí a bhfuil ábhar iontais agus ardú meanman iontu maille le 16 bhealach ina bhfuil muintir na hEorpa ag dul i ngleic leis an gcoróinvíreas chomh maith le faisnéis nuashonraithe faoin bh freagairt a thug an tAontas ar ghéarchéim an choróinvíris. Rinne Ionadaíochtaí an Choimisiúin Eorpaigh, Oifigí Idirchaidrimh Pharlaimint na hEorpa agus Toscaireachtaí de chuid an Aontais ceiliúradh ar Lá na hEorpa i gcomhthéacs ghéarchéim COVID-19 agus d’oibrigh siad i gcomhar leis na húdaráis áitiúla agus náisiúnta chun an dlúthpháirtíocht, luachanna an Aontais Eorpaigh agus an spiorad Eorpach a cheiliúradh.
Rinneadh 70 bliain ó tugadh dearbhú Schuman a chomóradh an 9 Bealtaine 2020, dearbhú a chuir tús leis an aistear as ar fhás an tAontas Eorpach. Is mó an aithne atá ar shaol agus ar shaothar Robert Schuman mar gheall ar a dhúthracht chun deireadh a chur leis an gcogadh san Eoraip. Ar an ábhar sin, ómós cuí a bhí ann go ndearnamar 75 bliana ó tugadh an Dara Cogadh Domhanda chun deiridh san Eoraip a chomóradh chomh maith. Sa lá atá inniu ann, oibrímid as lámh a chéile ar mhaithe le domhan níos sábháilte a chinntiú.
Rinne saoránaigh san Eoraip agus ar fud an domhain ceiliúradh ar Lá na hEorpa in éineacht lenár n-oifigí, agus chuir ealaíontóirí Eorpacha leis an gceiliúradh sin trí cheol a sheinm lena linn. Féach na buaicphointí eile atá ar fáil ag na naisc thíos.
Parlaimint na hEorpa
- Seisiún beo leis an Uachtarán Sassoli “The Courage to act: Schuman’s lesson 70 years on"
- Plé beo maidir le todhchaí choiteann na hEorpa le Leas-Uachtarán Othmar Karas agus Leas-Uachtarán Katarina Barley
- Cuairt fhíorúil ar an Seomra
An Chomhairle Eorpach
- Teachtaireacht físeáin ó Chinn Stáit nó Rialtais uile an Aontais maidir lena thábhachtaí is atá an Eoraip dóibh
- Teistiméireachtaí na saoránach a bhfuil a gcuid á ndéanamh acu sa troid i gcoinne Covid-19
- An scéal ilmheán maidir le dearbhú Schuman
An Coimisiún Eorpach
- Lá na hEorpa
- An Fhreagairt Dhomhanda ar an gCoróinvíreas
- 16 bhealach ina bhfuil muintir na hEorpa ag dul i ngleic le géarchéim an choróinvíris le cuidiú ón Aontas Eorpach
An tSeirbhís Eorpach Gníomhaíochta Seachtraí
- Físeán Achoimre Lá na hEorpa 2020
- Físeán faoi áit an Aontais sa Domhan
- Tráth na gCeist ar líne faoin Eoraip sa Domhan
Coiste Eacnamaíoch agus Sóisialta na hEorpa
- An dlúthpháirtíocht ar obair!
- Baill Choiste Eacnamaíoch agus Sóisialta na hEorpa ar obairn
- Comóradh 70 bliain de Dhearbhú Schuman
Coiste Eorpach na Réigiún