L-Aġenzija Ewropea għall-Ambjent (EEA)

Ħarsa ġenerali

• Rwol: L-EEA hija ċ-ċentru tal-għarfien tal-Ewropa għall-ambjent, il-klima u s-sostenibbiltà.
• Direttur: Leena Ylä-Mononen
• Sħab: Il-pajjiżi tal-UE, in-Norveġja, l-Iżlanda, il-Liechtenstein, it-Turkija u l-Iżvizzera
• Stabbilita fi: 1990 (operazzjonali mill-1994)
• Numru ta’ staff: 300
• Post: Copenhagen
• Sit web: L-Aġenzija Ewropea għall-Ambjent

L-Aġenzija Ewropea għall-Ambjent (EEA) hija aġenzija tal-Unjoni Ewropea li tipprovdi għarfien u data biex tappoġġja l-għanijiet ambjentali u klimatiċi tal-Ewropa. F’kollaborazzjoni man-network sieħeb tagħha, Eionet, l-EEA tinforma lil dawk li jieħdu d-deċiżjonijiet u lill-pubbliku dwar l-istat tal-ambjent tal-Ewropa, it-tibdil fil-klima u kwistjonijiet usa’ ta’ sostenibbiltà.

X’tagħmel

Il-kompiti ewlenin tal-EEA huma definiti fir-regolament fundatur tal-UE u jinkludu: 

• l-appoġġ għall-iżvilupp tal-politika u l-proċessi globali ewlenin;
• l-offerta ta’ għarfien espert analitiku;
• il-provvista u ż-żamma ta’ infrastruttura ta’ rapportar effiċjenti għall-flussi ta’ data nazzjonali u internazzjonali.

Min jibbenefika

Il-partijiet ikkonċernati ewlenin tal-EEA huma:

• il-Kummissjoni Ewropea, il-Parlament Ewropew, il-Kunsill tal-UE u istituzzjonijiet oħra tal-UE
• il-gvernijiet u awtoritajiet nazzjonali oħra fl-istati membri
• l-NGOs, ir-rappreżentanti tan-negozju u l-gruppi ta’ riflessjoni
• il-komunitajiet akkademiċi u xjentifiċi

Udjenza importanti ħafna hija wkoll il-pubbliku ġenerali. L-Aġenzija għandha l-għan li tinforma lill-pubbliku dwar kwistjonijiet ambjentali u tat-tibdil fil-klima.

Aktar Informazzjoni

Abbona għall-aġġornamenti u n-newsletter