Forbhreathnú
- Ról: Déanann EUSPA leasanna an phobail a bhainistiú maidir le cláir an Chórais Eorpaigh um Loingseoireacht Satailíte Dhomhanda (GNSS), EGNOS (Breis-chóras na hEorpa um Loingseoireacht Gheochobhsaí) agus Galileo, an clár um fhaire na Cruinne (EO) Copernicus, agus clár an Aontais Eorpaigh um Chumarsáid Satailíte Rialtais (GOVSATCOM)
- Stiúrthóir Feidhmiúcháin: Rodrigo da Costa
- Comhpháirtithe: An Coimisiún Eorpach, an Ghníomhaireacht Eorpach Spáis
- Bliain a bhunaithe: 2004
- Líon na mball foirne: 211
- Suíomh: Prág (Poblacht na Seice)
- Suíomh gréasáin: EUSPA
Tacaíonn Gníomhaireacht an Aontais Eorpaigh um an gClár Spáis (EUSPA) le sprioc an Aontais an toradh is fearr is féidir a fháil ar infheistíocht an Aontais Eorpaigh sa spás i dtaca le:
- slándáil
- tairbhe d’úsáideoirí
- fás eacnamaíoch
- iomaíochas
Gníomhaíochtaí
Cinntíonn EUSPA go mbaineann an Eoraip a cuid cuspóirí amach i dtaca le GNSS agus go mbaineann an pobal tairbhe as Córais Eorpacha GNSS (EGNOS agus Galileo). Tacaíonn sé freisin le feidhmeanna a fhorbairt atá bunaithe ar Galileo, EGNOS agus Copernicus agus déanann sé comhordú ar ghnéithe a bhaineann le húsáideoirí GOVSATCOM chun tacú le príomhspriocanna beartais an Aontais.
Seo a leanas a cuid cúraimí sonracha:
- soláthar na seirbhísí EGNOS agus Galileo a bhainistiú
- feidhmeanna iartheachtacha agus comhtháite a chur chun cinn, iad bunaithe ar Galileo, EGNOS agus Copernicus
- pobal úsáideoirí GOVSATCOM a spreagadh chun páirt a ghlacadh i múnlú na seirbhíse
- seirbhísí agus bonneagar GNSS a fheabhsú
Chuige sin, déanann EUSPA an méid seo a leanas:
- cinntíonn sé go ndéantar bainistíocht shábháilte shlán ar na comhpháirteanna spáis go léir
- tacaíonn sé le taighde agus nuálaíocht
- spreagann sé páirtithe leasmhara sa mhargadh chun feidhmeanna nuálaíocha éifeachtacha le haghaidh GNSS a fhorbairt
- treisíonn sé sineirgí idir comhpháirteanna an chláir spáis
- cinntíonn sé go bhfuil seirbhísí na hEorpa atá bunaithe ar spás slán sábháilte insroichte
- cuireann sé anailísiú margaidh domhain ar fáil
Cé a bhaineann tairbhe as?
Tá spriocghrúpaí inmheánacha agus spriocghrúpaí seachtracha ann.
Na spriocghrúpaí inmheánacha:
- Ranna an Choimisiúin
- Ballstáit an Aontais
- Feisirí Pharlaimint na hEorpa, coistí parlaiminteacha & teagmhálaithe
- Gníomhaireachtaí & comhlachtaí Eorpacha a fhreastalaíonn ar an earnáil iompair agus spáis
- Rannpháirtithe institiúideacha sa chlár Eorpach um Chórais Dhomhanda Loingseoireachta Satailíte
Na spriocghrúpaí seachtracha:
- Baill den phobal
- Institiúidí náisiúnta i dtíortha an Aontais Eorpaigh a bhfuil baint acu le GNSS
- Gnólachtaí atá rannpháirteach in GNSS agus EO
- Institiúidí idirnáisiúnta agus eagraíochtaí a bhfuil baint acu le GNSS agus EO
- Cainéil na meán cumarsáide a bhfuil baint acu le feidhm úsáideoirí GNSS agus EO
- Údaráis náisiúnta