L-euro barra ż-żona tal-euro
L-euro hija t-tieni l-aktar munita importanti fid-dinja għat-teħid b’self, l-għoti b’self u r-riżervi tal-banek ċentrali.
Tintuża wkoll bħala munita uffiċjali jew de facto kif ukoll bħala munita “ankra” minn għadd ta’ reġjuni ġeografikament barra mill-Ewropa, inklużi r-reġjuni ultraperiferiċi u t-territorji ekstra-Ewropej tal-UE:
- Azores u Madeira (il-Portugall)
- il-Gżejjer Kanarji (Spanja)
- Ceuta u Melilla (Spanja)
- il-Guyana Franċiża
- il-gżejjer Franċiżi fil-Karibew
- Majott u Réunion (Franza)
- Saint Pierre u Miquelon (Franza)
Flimkien maż-żona tal-euro, l-euro hu wkoll il-munita ta’ xi pajjiżi li mhumiex fl-UE:
- l-Andorra
- il-Kosovo*
- il-Montenegro
- Monaco
- San Marino
- il-Belt tal-Vatikan
Is-sistema monetarja stabbli tal-euro tagħmilha munita “ankra” attraenti: diversi pajjiżi u territorji li huma barra kemm iż-żona tal-euro kif ukoll l-UE rabtu l-muniti tagħhom mal-euro. F’xi każijiet, dan isir permezz ta’ ftehim bilaterali mal-pajjiżi taż-żona tal-euro, filwaqt li f’oħrajn hi deċiżjoni unilaterali tal-pajjiż ikkonċernat.
*Dan l-isem huwa mingħajr preġudizzju għall-pożizzjonijiet dwar l-istatus, u huwa konformi mal-UNSCR 1244/99 u l-Opinjoni tal-QIĠ dwar id-dikjarazzjoni tal-indipendenza tal-Kosovo.