An euro lasmuigh den limistéar euro
Is é an euro an dara hairgeadra is tábhachtaí ar domhan.
Is ionann mórán an coibhneas idir na híocaíochtaí idirnáisiúnta a dhéantar leis an euro agus na híocaíochtaí idirnáisiúnta a dhéantar le dollar SAM, agus is é an euro an dara hairgeadra ar domhan is minice a úsáidtear le haghaidh iasachtaí agus cúlchistí na mbanc ceannais.
Úsáidtear an euro freisin mar airgeadra oifigiúil nó de facto, agus mar airgeadra cúltaca, i roinnt réigiún atá lasmuigh den Aontas Eorpach ó thaobh na tíreolaíochta:
- Na hAsóir agus Maidéara (An Phortaingéil)
- Na hOileáin Chanáracha (An Spáinn)
- Ceuta agus Melilla (An Spáinn)
- Guáin na Fraince
- Oileáin de chuid na Fraince i Muir Chairib
- Mayotte agus La Réunion (An Fhrainc)
- Saint Pierre agus Miquelon (An Fhrainc)
Chomh maith lena úsáid sa limistéar euro féin, is é an euro an t-airgeadra a úsáidtear i roinnt tíortha nach bhfuil san Aontas Eorpach freisin:
- Andóra
- An Chosaiv*
*Tá an t-ainmniú seo gan dochar do sheasaimh maidir le stádas, agus tá sé ag teacht le UNSCR 1244/99 agus le Tuairim CBI maidir le dearbhú neamhspleáchais na Cosaive. - Montainéagró
- Monacó
- San Mairíne
- Cathair na Vatacáine
Tá tóir ar an euro mar airgeadra cúltaca i ngeall ar an gcóras cobhsaí airgeadaíochta atá taobh thiar de: tá roinnt tíortha agus críoch lasmuigh den limistéar euro agus den Aontas a bhfuil a n-airgeadraí nasctha leis an euro acu. I gcásanna áirithe, tá an t-airgeadra nasctha leis an euro trí chomhaontú déthaobhach le tíortha an limistéir euro, agus i gcásanna eile is trí chinneadh aontaobhach ón tír lena bhaineann atá an t-airgeadra nasctha.