Gníomhaireacht an Aontais Eorpaigh um Chearta Bunúsacha (FRA)

Forbhreathnú

• Ról: comhairle fhianaise-bhunaithe a chur ar fáil
• Stiúrthóir: Sirpa Rautio
• Bliain a bhunaithe: 2007
• Líon na mball foirne: 105
• Suíomh: An Vín (an Ostair)
• Suíomh gréasáin: Gníomh Rialála Críochnaitheach

Cuireann Gníomhaireacht an Aontais Eorpaigh um Chearta Bunúsacha (FRA) sainchomhairle neamhspléach fhianaise-bhunaithe ar fáil do chinnteoirí de chuid an Aontais agus do chinnteoirí náisiúnta, rud a fhágann go mbíonn díospóireachtaí, beartais agus reachtaíocht bunaithe ar bhonn atá níos eolasaí agus níos dírithe.

An méid a dhéanann sé

Cuireann sé comhairle ar institiúidí an Aontais agus rialtais náisiúnta faoi chearta bunúsacha, sna réimsí seo go háirithe:

• idirdhealú
• rochtain ar an gceartas
• ciníochas agus séineafóibe
• cosaint sonraí
• cearta na n-íospartach
• cearta leanaí.

Tá sé mar aidhm ag an nGníomhaireacht cearta bunúsacha a chur cinn agus a chosaint ar bhonn níos éifeachtaí ar fud an Aontais. Chun na críche seo, téann sí i gcomhairle agus comhoibríonn sí lena comhpháirtithe maidir le:

• faisnéis agus sonraí a chruinniú agus a anailísiú trí thaighde shoch-dhlíthiúil
• cúnamh agus sainchomhairle a chur ar fáil
• cumarsáid a dhéanamh agus feasacht faoi chearta a mhéadú.

Cé a bhaineann tairbhe as?

Leanann FRA de bheith ag comhoibriú le hinstitiúidí de chuid an Aontais agus le rialtais agus cuireann sé sainchomhairle neamhspleách agus anailís ar chearta bunúsacha ar fáil dóibh. Tá líonrú curtha ar bun agus tá naisc le comhpháirtithe bunaithe ag gach leibhéal aige, sa chaoi go sroicheann a chuid comhairle agus taighde cinnteoirí sna rialtais náisiúnta agus san Aontas.

Tá dlúthchaidreamh oibre ag FRA leis an méid seo a leanas:

• institiúidí, comhlachtaí agus gníomhaireachtaí de chuid an Aontais
• rialtais náisiúnta agus parlaimintí de chuid an Aontais
• Comhairle na hEorpa
• grúpaí agus eagraíochtaí
• comhlachtaí náisiúnta um chearta daonna
• na Náisiúin Aontaithe, an Eagraíocht um Shlándáil agus Comhar san Eoraip agus eagraíochtaí idirnáisiúnta eile.

Tuilleadh eolais

Foilseacháin agus acmhainní

Tionscadail taighde

Clár oibre bliantúil

An creat ilbhliantúil 2018-2022

Plean Straitéiseach FRA 2023-2028

Cearta bunúsacha: dúshláin agus an méid a baineadh amach

An nuacht is déanaí agus imeachtaí