L-Awtorità Ewropea tax-Xogħol

Ħarsa ġenerali

• Rwol: L-Awtorità Ewropea tax-Xogħol tgħin biex titjieb il-kooperazzjoni bejn il-pajjiżi tal-UE, tikkoordina l-ispezzjonijiet konġunti, twettaq analiżijiet u valutazzjonijiet tar-riskju dwar kwistjonijiet tal-mobbiltà tal-forza tax-xogħol u tagħti servizz ta' medjazzjoni f'tilwim bejn il-pajjiżi tal-UE
• Direttur Eżekuttiv: Cosmin Boiangiu 
• Maħluqa: fl-2019
• Għadd ta’ staff: 144 sal-2024
• Sit web: ELA

X'tagħmel?

L-ELA tippromwovi xogħol aġli u effiċjenti, li jgħin biex jinstabu soluzzjonijiet għall-isfidi ffaċċjati fl-oqsma koperti mir-Regolament. L-ELA:

• tgħin tiżgura li r-regoli tal-UE dwar il-mobbiltà tal-forza tax-xogħol u l-koordinazzjoni tas-sigurtà soċjali jiġu infurzati b’mod ġust, sempliċi u effettiv
• tagħmilha aktar faċli għall-individwi u n-negozji biex jaħsdu l-frott tas-suq uniku
• tgħin lill-awtoritajiet nazzjonali jikkooperaw biex ir-regoli jiġu infurzati b’mod effettiv.

L-ELA kienet stabbilita fil-31 ta’ Lulju 2019. Hu mistenni li tkun operazzjonali b’mod sħiħ sal-2024.

Min jibbenefika?

• Individwi
• Negozji
• Organizzazzjonijiet Ewropej, reġjonali u nazzjonali