An Institiúid Eorpach um Chomhionannas Inscne (EIGE)

Forbhreathnú

• Ról: fianaise a sholáthar chun tacú le comhionannas inscne
• Stiúrthóir: Virginija Langbakk
• Bliain a bhunaithe: 2010
• Líon na mball foirne: 50
• Suíomh: Vilnias (an Liotuáin)
• Suíomh gréasáin: An Institiúid Eorpach um Chomhionannas Inscne

Gníomhaíochtaí

Is gníomhaireacht de chuid an Aontais í an Institiúid Eorpach um Chomhionannas Inscne (EIGE) a bhíonn ag obair chun comhionannas inscne a bhaint amach laistigh den Aontas Eorpach agus lasmuigh de. Chuige sin, cuireann an institiúid taighde, sonraí agus moltaí maidir le dea-chleachtas ar fáil trí:

• Staidéir a dhéanamh agus staitisticí a bhailiú faoin gcomhionannas idir fir agus mná san Aontas Eorpach.

• Monatóireacht a dhéanamh ar an gcaoi a bhfuil an tAontas Eorpach ag comhlíonadh an ghealltanais idirnáisiúnta i leith comhionannas inscne atá déanta aige, gealltanas ar a dtugtar Clár Oibre Bhéising don Ghníomhaíocht, agus tuarascáil bhliantúil ar dhul chun cinn a chur i dtoll a chéile ar an ábhar seo.

• Obair a dhéanamh chun deireadh a chur le foréigean i gcoinne na mban agus Feachtas Eorpach an Ribín Bháin, a spreagann fir le bheith páirteach sa chúis, a chomhordú.

• An t-eolas agus na hacmhainní ar líne atá ag an institiúid a chomhroinnt agus tacú le hinstitiúidí an Aontais Eorpaigh, leis na Ballstáit agus le páirtithe leasmhara i neart réimsí éagsúla dul i ngleic leis an neamh-chomhionannas idir fir agus mná, san Eoraip agus lasmuigh den Eoraip.

I measc na seirbhísí a chuireann EIGE ar fáil, tá:

• An tInnéacs Comhionannais Inscne: léiríonn seo treochtaí sa chomhionannas inscne gach re bliain

• An tArdán don Phríomhshruthú Inscne: nascann seo comhionannas inscne le réimsí éagsúla den tsochaí

• An Bunachar Sonraí um Staitisticí Inscne: fíricí agus figiúirí faoi mhíchothromaíochtaí idir fir agus mná

• Gluais agus Teasáras: a mhíníonn coincheapa an chomhionannais inscne

• An Lárionad Acmhainní agus Doiciméadachta: leabharlann ar líne ina bhfuil 500,000 doiciméad, lena n-áirítear foilseacháin nach bhfuil ar fail i leabharlanna poiblí eile.

Cé a bhaineann tairbhe as?

Seo chuid den mhéid a bhíonn idir lámha ag EIGE ina fheidhm mar lárionad eolais Eorpach ar chomhionannas inscne:

• Cabhrú le hinstitiúidí an Aontais Eorpaigh agus leis na Ballstáit cinntí eolasacha atá bunaithe ar fhianaise a dhéanamh ina gcuirtear gné na hinscne san áireamh.

• Eolas faoin gcomhionannas inscne a bhailiú ar mhaithe le heagraíochtaí den tsochaí shibhialta, an lucht acadúil, eagraíochtaí idirnáisiúnta agus comhpháirtithe sóisialta.

• Spreagadh a thabhairt do dhuine ar bith ar suim leis an comhionannas idir fir agus mná.

Féach freisin

Nuacht agus imeachtaí EIGE

EIGE – Poist