Il-ġurnalista u parlamentari Louise Weiss kienet vuċi influwenti fi Franza u lil hinn mis-snin 1920. Iddedikat ħajjitha għall-kisba tal-paċi, l-ewwel permezz ta’ xogħolha f’diversi gazzetti u mbagħad fid-dedikazzjoni tagħha għall-kawża tas-suffraġju femminili. Matul it-Tieni Gwerra Dinjija, hi għenet biex jiġu salvati tfal Lhud min-Nazisti u ngħaqdet mar-reżistenza Franċiża.
Ħajja u żminijiet
Wara l-gwerra, Weiss ivvjaġġat b’mod estensiv madwar id-dinja, u kitbet ħafna artikli għal rivisti u gazzetti prominenti Franċiżi dwar ir-rwol ewlieni li l-Punent, speċjalment l-Ewropa, jista’ jkollu fil-promozzjoni tal-valuri demokratiċi madwar id-dinja.
Fl-1971, hi stabbilixxiet il-Fondazzjoni Louise Weiss, li tagħti premju annwali lill-persuna jew lill-istituzzjoni li tikkontribwixxi l-aktar għall-avvanz tax-“xjenza tal-paċi”.
Viżjoni għall-Ewropa
Weiss irnexxielha toħroġ għall-elezzjoni tal-Parlament Ewropew fl-1979. Fid-diskors inawgurali tagħha lill-Parlament, hi appellat lill-Ewropej kollha biex jingħaqdu abbażi ta’ kultura komuni u mhux biss abbażi ta’ interessi ekonomiċi komuni.
Louise Weiss waqt id-diskors tagħha fil-Parlament Ewropew.
Publikazzjonijiet
Aktar dwar il-ħajja, ix-xogħol u l-kontribuzzjoni ta’ Louise Weiss għall-proġett Ewropew