L-Awtorità Ewropea tat-Titoli u s-Swieq (ESMA)

Ħarsa ġenerali

• Rwol: it-titjib tal-protezzjoni tal-investituri u l-promozzjoni ta’ swieq finanzjarji stabbli u ordnati
• President: Verena Ross
• Direttur Eżekuttiv: Natasha Cazenave
• Membri: L-awtoritajiet nazzjonali responsabbli għas-swieq tat-titoli f’kull pajjiż tal-UE.
• Membri bla vot: L-Awtorità Bankarja Ewropea (EBA), l-Awtorità Ewropea tal-Assigurazzjoni u l-Pensjonijiet tax-Xogħol (EIOPA), il-Bord Ewropew dwar ir-Riskju Sistemiku (ESRB), il-Kummissjoni Ewropea (KE), l-Iżlanda, il-Liechtenstein u n-Norveġja
• Stabbilita fi: 2011
• Numru ta’ impjegati: 362
• Sede: Pariġi (Franza)
• Sit web: L-ESMA

L-Awtorità Ewropea tat-Titoli u s-Swieq (ESMA) hi awtorità indipendenti tal-UE u l-iskop tagħha hu li ttejjeb il-protezzjoni tal-investituri u li tippromwovi swieq finanzjarji stabbli u ordnati.

X’tagħmel l-ESMA?

Għandha tliet objettivi:

• Protezzjoni tal-investituri – tiżgura li l-ħtiġijiet tal-konsumaturi finanzjarji jinqdew aħjar u ssaħħaħ id-drittijiet tagħhom bħala investituri, filwaqt li tirrikonoxxi r-responsabbiltajiet tagħhom
• Swieq ordnati – tippromwovi l-integrità, it-trasparenza, l-effiċjenza u l-funzjonament tajjeb tas-swieq finanzjarji u l-infrastruttura soda tas-swieq.
• Stabbiltà finanzjarja – issaħħaħ is-sistema finanzjarja sabiex tkun tiflaħ għax-xokkijiet, tinvestiga l-iżbilanċi finanzjarji u tħeġġeġ it-tkabbir ekonomiku.

L-ESMA hi responsabbli wkoll għall-koordinazzjoni ta’ miżuri meħudin mis-superviżuri tat-titoli jew għall-adozzjoni ta’ miżuri ta’ emerġenza meta tinqala’ kriżi.

Min jibbenefika?

L-oqsma u l-partijiet ikkonċernati li ġejjin:

• l-ekonomija
• il-pubbliku ġenerali
• ir-regolaturi tas-swieq tat-titoli
• l-industrija tas-servizzi finanzjarji
• l-investituri bl-imnut u istituzzjonali u l-konsumaturi
• il-fornituri tas-servizzi finanzjarji
• l-utenti tas-swieq finanzjarji

Iktar informazzjoni

Aħbarijiet

Rapporti

Pożizzjonijiet vakanti