An tÚdarás Eorpach um Urrúis agus Margaí (ESMA)

Forbhreathnú

• Ról: feabhas a chur ar chosaint infheisteoirí agus margaí airgeadais atá cobhsaí ordúil a chur chun cinn
• Cathaoirleach: Verena Ross
• Stiúrthóir Feidhmiúcháin: Natasha Cazenave
• Comhaltaí: Na húdaráis náisiúnta atá freagrach as margaí urrús i ngach ceann de na Ballstáit.
• Comhaltaí gan ceart vótála: An tÚdarás Baincéireachta Eorpach (ÚBE), an tÚdarás Eorpach um Árachas agus Pinsin Cheirde (ÚEÁPC), an Bord Eorpach um Riosca Sistéamach (BERS), an Coimisiún Eorpach (CE), an Íoslainn, Lichtinstéin agus an Iorua
• Bliain a bhunaithe: 2011
• An líon foirne: 308
• Láthair: Páras (an Fhrainc)
• Suíomh Gréasáin: ESMA

Údarás neamhspleách is ea an tÚdarás Eorpach um Urrúis agus Margaí (ESMA) arb é is cuspóir leis feabhas a chur ar chosaint infheisteoirí agus margaí airgeadais atá cobhsaí ordúil a chur chun cinn.

Cad é a dhéanann ESMA?

Tá 3 chuspóir aige:

• Cosaint Infheisteoirí - chun a chinntiú go ndéantar freastal níos fearr ar riachtanais tomhaltóirí airgeadais agus a gcuid ceart mar infheisteoirí a threisiú agus, san am céanna, a gcuid freagrachtaí a aithint.
• Margaí ordúla - chun iontaofacht, trédhearcacht, éifeachtúlacht agus dea-fheidhmiú na margaí airgeadais a chur chun cinn mar aon le bonneagar margaidh urrúnta.
• Cobhsaíocht airgeadais - chun an córas airgeadais a neartú ionas gur féidir leis géarchéimeanna airgeadais a sheasamh agus gan ligean d'éagothromaíochtaí airgeadais dul as smacht, agus fás eacnamaíoch a spreagadh.

Lena chois sin, tá ESMA freagrach as na bearta a ghlacann maoirseoirí urrús a chomhordú nó as bearta éigeandála a ghlacadh uair ar bith a bhíonn géarchéim ann.

Cé a bhaineann tairbhe as?

Na réimsí agus na páirtithe leasmhara seo a leanas:

• an geilleagar
• an pobal i gcoitinne
• rialtóirí margaí urrús
• earnáil na seirbhísí airgeadais
• infheisteoirí agus tomhaltóirí miondíola agus tionscail
• soláthraithe seirbhísí airgeadais
• úsáideoirí margaí airgeadais

Tuilleadh eolais

Preaseisiúintí

Tuarascálacha

Folúntais