Na hinstitiúidí lena mbaineann an nós imeachta:
- an Chomhairle Eorpach
- an Coimisiún Eorpach
- Parlaimint na hEorpa
- Uachtaránacht Chomhairle an Aontais Eorpaigh
Clár oibre straitéiseach
Is í an Chomhairle Eorpach (27 gCeann Stáit nó Rialtais ó gach Ballstát den Aontas) a shainíonn na tosaíochtaí do na chéad 5 bliana eile.
Oibríonn institiúidí agus tíortha an Aontais Eorpaigh le chéile chun na tosaíochtaí sin a chur i bhfeidhm. Eisíonn an Coimisiún Eorpach, Parlaimint na hEorpa agus an Chomhairle conclúidí comhpháirteacha.
I dteannta a chéile, is iad na tosaíochtaí sin an clár oibre straitéiseach.
Tosaíochtaí an Choimisiúin Eorpaigh
Treoirlínte polaitiúla an Choimisiúin do na chéad 5 bliana eile.
Is é an t-iarrthóir ar Uachtarán an Choimisiúin a chinneann na tosaíochtaí agus cuirtear iad faoi bhráid sheisiún iomlánach Pharlaimint na hEorpa.
Tiontaítear iad ina ráitis mhisin do gach coimisinéir is iarrthóir agus cuirtear i láthair an Choiste ábhartha de chuid na Parlaiminte iad.
Tosaíochtaí Uachtaránacht Chomhairle an Aontais Eorpaigh
Comhaontaíonn na 3 uachtaránacht atá le teacht na tosaíochtaí comhroinnte atá acu do na chéad 18 mí eile, agus athraíonn an Uachtaránacht gach 6 mhí.
Is í an tír a bhfuil an Uachtaránacht aici a chinneann na tosaíochtaí arb é is aidhm dóibh an tAontas Eorpach a neartú agus a chroíluachanna a chur chun cinn.
Déantar iad a shainiú agus aird á tabhairt ar shaincheisteanna práinneacha a bhaineann leis an Aontas Eorpach.
Tosaíochtaí Pharlaimint na hEorpa
Roghnaíonn gach grúpa polaitiúil tosaíochtaí a léiríonn na saincheisteanna a mheasann a vótálaithe a bheith ríthábhachtach do na chéad 5 bliana atá le teacht.
8 ngrúpa pholaitiúla a eagraítear de réir cleamhnacht pholaitiúil seachas de réir náisiúntachta.
Conas a oibríonn sé go praiticiúil?
- Staid an Aontais agus Litir Intinne
Gach bliain i mí Mheán Fómhair, tosaíonn Uachtarán an Choimisiúin ar chlár oibre bliantúil an Choimisiúin a ullmhú leis an aitheasc ar Staid an Aontais agus le Litir Intinne, a tharraingíonn ar Thuarascáil an Choimisiúin maidir leis an bhFadbhreathnaitheacht Straitéiseach.
- Pléite
Cuireann an Coimisiún tús leis an bplé leis an bParlaimint agus le Comhairle an Aontais Eorpaigh maidir le tosaíochtaí na bliana atá le teacht.
- Clár oibre bliantúil an Choimisiúin
Faigheann an Coimisiún tuairimí Choiste na Réigiún agus Choiste Eacnamaíoch agus Sóisialta na hEorpa chun cur lena chlár oibre bliantúil.
- Dearbhú Comhpháirteach Bliantúil
Eisíonn an Coimisiún, an Pharlaimint agus an Chomhairle dearbhú comhpháirteach maidir le tosaíochtaí an Aontais chun go bhféadfar gníomhaíocht mhear a dhéanamh agus chun a chinntiú go dtabharfar spreagadh polaitiúil chun na tosaíochtaí sin a bhaint amach.