An tÚdarás Eorpach um Shábháilteacht Bia (EFSA)

Forbhreathnú

• Ról: Comhairle eolaíoch a chur ar fáil agus eolas a thabhairt faoi rioscaí atá ann agus atá ag teacht chun cinn ó thaobh an tslabhra bia de
• Stiúrthóir: Bernhard Url
• Bliain a bhunaithe: 2002
• Líon ball foirne: 435
• Suíomh: Parma na hIodáile
• Suíomh gréasáin: EFSA 

Cad é go díreach a dhéanann EFSA?

Cuireann an tÚdarás Eorpach um Shábháilteacht Bia (EFSA) comhairle eolaíoch neamhspleách ar fáil faoi rioscaí a bhaineann le bia.

Tugann EFSA comhairle do na cinnteoirí i dtionscal an bhia faoi rioscaí bia atá ann agus atá ag teacht chun cinn. Úsáidtear an chomhairle sin nuair a cheapann an Eoraip dlíthe, rialacha agus beartais – rud a chuidíonn le tomhaltóirí a chosaint ó rioscaí sa slabhra bia. Cuimsíonn sainchúram an Údaráis:

• sábháilteacht bia agus beatha;
• cothú
• sláinte agus leas ainmhithe
• cosaint plandaí
• sláinte plandaí.

Baineann obair EFSA leis an méid seo a leanas:

• sonraí eolaíocha agus saineolas a bhailiú
• comhairle eolaíoch neamhspleách, atá cothrom le dátaa chur ar fáil faoi cheisteanna sábháilteachta bia
• eolas a thabhairt don phobal faoina obair eolaíoch
• comhoibriú le Ballstáit, comhlachtaí idirnáisiúnta, agus páirtithe leasmhara eile
• cur leis an muinín atá ag daoine i gcóras sábháilteachta bia an Aontais Eorpaigh trí chomhairle iontaofa a chur ar fáil.

Cé a bhaineann tairbhe as?

• Tomhaltóirí na hEorpa atá ar na tomhaltóirí is mó cosaint agus eolas ar domhan ó thaobh rioscaí sa slabhra bia de  
• Institiúidí an Aontais Eorpaigh agus rialtais na mBallstát ós iadsan a bhfuil an tsláinte phoiblí faoina gcúram agus a údaraíonn úsáid táirgí bia agus beatha.

Féach freisin

Nuacht EFSA 

Imeachtaí agus cruinnithe EFSA 

An lárionad preasa 

Iris EFSA 

Doiciméid agus foilseacháin EFSA 

Deiseanna fostaíochta 

Obair eolaíochta EFSA (treoir mhionsonraithe)