Fittex l-istituzzjonijiet u l-korpi kollha tal-UE.

L-Aġenzija tal-Unjoni Ewropea għall-Ferroviji għandha l-għan li ttejjeb is-sistema ferrovjarja tal-UE billi tiżviluppa standards tekniċi u ta’ sikurezza komuni fl-UE kollha.

L-eu-LISA tappoġġja l-politiki tal-UE billi timmaniġġja sistemi tal-IT fuq skala kbira.

L-Awtorità Ewropea dwar is-Sigurtà fl-Ikel tipprovdi <em>data</em> u pariri xjentifiċi indipendenti dwar ir-riskji possibbli fil-katina alimentari.

L-Awtorità Ewropea tat-Titoli u s-Swieq hi awtorità indipendenti tal-UE li tipproteġi l-istabbiltà tas-sistema finanzjarja tal-UE.

L-Awtorità Ewropea tax-Xogħol tiżgura li r-regoli transfruntiera tax-xogħol u tas-sigurtà soċjali jiġu applikati kif suppost fl-UE.

L-Awtorità għall-Partiti Politiċi Ewropej u l-Fondazzjonijiet Politiċi Ewropej hija responsabbli għar-reġistrazzjoni, il-kontroll u l-impożizzjoni ta’ sanzjonijiet, meta meħtieġ, fuq il-partiti politiċi Ewropej u l-fondazzjonijiet politiċi Ewropej.

L-Impriża Konġunta Networks u Servizzi Intelliġenti trawwem l-allinjament mal-pajjiżi tal-UE għar-riċerka u l-innovazzjoni tas-6G, u tagħti spinta lill-introduzzjoni tal-5G fl-Ewropa.

L-Impriża Konġunta Saħħa Globali EDCTP3 tappoġġja r-riċerka kollaborattiva biex jiġu żviluppati interventi mediċi aċċessibbli, xierqa u affordabbli għall-ġlieda kontra l-mard infettiv relatat mal-faqar fl-Afrika sub-Saħarjana.

L-Impriża Konġunta SESAR 3 qed tuża r-riċerka u l-innovazzjoni biex timmodernizza s-sistema Ewropea tal-ġestjoni tat-traffiku tal-ajru u tħaffef it-twettiq tal-Ajru Diġitali Ewropew.

L-Istitut Ewropew għall-Ugwaljanza bejn is-Sessi jappoġġja l-isforzi biex tinkiseb l-ugwaljanza bejn il-ġeneri fl-UE.

L-Istitut Ewropew tal-Innovazzjoni u t-Teknoloġija għandu l-għan li jżid l-innovazzjoni permezz tal-kooperazzjoni bejn l-industrija u l-organizzazzjonijiet tal-edukazzjoni.

L-Ombudsman Ewropew jinvestiga lmenti dwar amministrazzjoni ħażina mill-istituzzjonijiet u l-korpi tal-UE.

L-EPSO jipprovdi proċeduri ta’ selezzjoni ta’ kwalità għolja għar-reklutaġġ tal-istaff għall-istituzzjonijiet, il-korpi u l-aġenziji tal-UE.

L-Uffiċċju tal-Proprjetà Intellettwali tal-UE jimmaniġġja t-trademarks u d-drittijiet tad-disinn tal-UE.

L-Uffiċċju tal-Prosekutur Pubbliku Ewropew (UPPE), li huwa korp indipendenti tal-UE, jinvestiga, iħarrek u jressaq quddiem il-ġustizzja reati kontra l-interessi finanzjarji tal-UE.

Is-CERT-UE twieġeb għal inċidenti ta’ sigurtà tal-informazzjoni u theddid ċibernetiku li jaffettwaw is-sistemi tal-kompjuter tal-istituzzjonijiet, l-aġenziji u l-korpi kollha tal-UE.

L-Iskola Ewropea tal-Amministrazzjoni (EUSA) tipprovdi taħriġ speċifiku għall-membri tal-istaff tal-UE.

L-Uffiċċju tal-Pubblikazzjonijiet tal-Unjoni Ewropea huwa l-fornitur uffiċjali tas-servizzi ta’ pubblikazzjoni għall-istituzzjonijiet, il-korpi u l-aġenziji kollha tal-UE.