Fittex l-istituzzjonijiet u l-korpi kollha tal-UE.

Il-Fondazzjoni Ewropea għat-Titjib tal-Kondizzjonijiet tal-Ħajja u tax-Xogħol (Eurofound)

Il-Eurojust tappoġġja l-kooperazzjoni ġudizzjarja fl-UE f’firxa ta’ delitti transfruntieri bħat-terroriżmu, it-traffikar tad-droga u ċ-ċiberkriminalità.

Il-Europol tappoġġja lill-aġenziji tal-infurzar tal-UE fil-ġlieda kontra attivitajiet kriminali fuq skala kbira bħat-terroriżmu, il-frodi u t-traffikar tad-droga.

Il-Fondazzjoni Ewropea għat-Taħriġ tappoġġa lill-pajjiżi sħab tal-UE fir-riforma tas-sistemi tal-edukazzjoni u t-taħriġ tagħhom.

Il-Frontex tgħin lill-pajjiżi tal-UE jimmaniġġjaw il-fruntieri esterni tagħhom u jarmonizzaw il-kontrolli fil-fruntieri tagħhom billi tipprovdi appoġġ tekniku u għarfien espert.

Fużjoni għall-Enerġija timmaniġġja l-kontribuzzjoni tal-UE għall-proġett ta’ riċerka dwar il-fużjoni, l-ITER.

L-Aġenzija Eżekuttiva għas-Saħħa u għall-Qasam Diġitali (HaDEA) tindirizza l-ambizzjoni tal-Kummissjoni Ewropea li tgħin biex tinbena mill-ġdid Ewropa wara l-COVID-19, li tkun aktar ekoloġika, aktar diġitali, aktar reżiljenti u aktar adatta għall-isfidi kurrenti u futuri.

Iċ-Ċentru Ewropew għall-Prevenzjoni u l-Kontroll tal-Mard jgħin jipprepara lill-gvernijiet tal-UE biex iwaqqfu t-tixrid ta’ mard infettiv.

Iċ-Ċentru Ewropew ta’ Kompetenza fil-qasam taċ-Ċibersigurtà (ECCC), flimkien man-Network ta’ Ċentri Nazzjonali ta’ Koordinazzjoni, huwa l-qafas il-ġdid tal-Ewropa biex jappoġġa l-innovazzjoni u l-politika industrijali fiċ-ċibersigurtà.

Iċ-Ċentru Satellitari tal-UE jipprovdi immaġnijiet satellitari u mill-ajru għall-azzjonijiet tal-politika estera, ta’ sigurtà u ta’ difiża komuni tal-UE.

Il-Bord Ewropew għall-Protezzjoni tad-<i>Data</i> jipprovdi linji gwida u rakkomandazzjonijiet dwar kif għandhom jiġu applikati r-regoli dwar il-protezzjoni tad-<i>data</i> fl-UE.

Il-Kontrollur Ewropew għall-Protezzjoni tad-Data jiżgura li l-istituzzjonijiet u l-korpi tal-UE jipproteġu l-informazzjoni personali meta jipproċessaw id-<i>data</i>.

Il-Kumitat Ekonomiku u Soċjali Ewropew hu korp konsultattiv tal-UE li joħroġ opinjonijiet lill-istituzzjonijiet l-oħra tal-UE.

Il-Kumitat tar-Reġjuni hu assemblea li tagħti pariri lill-istituzzjonijiet Ewropej dwar liġijiet li jaffettwaw l-ibliet u r-reġjuni tal-UE.

Il-Kummissjoni Ewropea tipproponi l-liġijiet, tiżgura li l-liġijiet tal-UE jiġu applikati kif suppost, u timmaniġġja l-programmi ta’ nfiq tal-UE.

Il-Parlament Ewropew hu magħmul minn membri eletti direttament minn kull pajjiż tal-UE, li jiddibattu u jemendaw il-liġijiet.

Il-Qorti Ewropea tal-Awdituri tiżgura li l-fondi tal-UE jiġu kontabilizzati b’mod korrett, u li l-fondi kollha jinġabru u jintefqu f’konformità mar-regoli finanzjarji tal-UE.

Il-Qorti tal-Ġustizzja tiżgura li l-liġi tal-UE tiġi applikata bl-istess mod fl-UE kollha.

L-Impriża Konġunta Avjazzjoni Nadifa tiżviluppa teknoloġiji innovattivi biex tnaqqas l-emissjonijiet tas-CO2 tal-inġenji tal-ajru u tnaqqas l-istorbju.