Winston Churchill, l-eks Prim Ministru Brittaniku li mexxa nazzjon taħt il-bumbardamenti, kien impenjat favur l-idea tal-integrazzjoni Ewropea u kien wieħed mill-ewwel li appella għal “Stati Uniti tal-Ewropa”.
Ħajja u żminijiet
Meta taħseb dwar Winston Churchill, l-ewwel immaġni li tista’ tiġi f’moħħok hi dik ta’ persunaġġ imponenti qed jagħmel is-sinjal tar-rebħa waqt li jpejjep sigarru. Din ir-rappreżentanza popolari hi biss aspett wieħed tal-eks uffiċjal tal-armata, ir-reporter tal-gwerra u l-Prim Ministru Brittaniku. Churchill kien wieħed mill-ħafna mexxejja li l-esperjenzi tiegħu tal-gwerra kkonvinċewh li l-paċi tista' tiġi ggarantita biss permezz ta' Ewropa magħquda.
Viżjoni għall-Ewropa
Fid-diskors tiegħu lill-Università ta’ Zurich fl-1946, Churchill ħeġġeġ lill-Ewropej biex idawru daharhom fuq l-orruri tal-passat u jħarsu lejn il-futur. Hu ddikjara li l-Ewropa ma kinitx taffordja li tkompli f’atmosfera ta’ mibegħda u vendetta mill-feriti tal-passat. Għal Churchill, l-ewwel pass fil-ħolqien tal-“familja Ewropea” tal-ġustizzja, tal-mertu u tal-libertà kien li “nibnu tip ta’ Stati Uniti tal-Ewropa”. B’dan il-mod biss, mijiet ta’ miljuni ta’ persuni li jistinkaw se jkunu jistgħu jerġgħu jiksbu l-ferħ u t-tama sempliċi li jagħtu sens lil ħajjithom”.
Winston Churchill waqt id-diskors tiegħu fid-19 ta’ Settembru 1946 fi Zurich.
Diskors ta' Winston Churchill fid-19 ta’ Settembru 1946 fi Zurich
... irridu nerġgħu noħolqu l-familja Ewropea fi struttura reġjonali msejħa, forsi, l-Istati Uniti tal-Ewropa, u l-ewwel pass prattiku jkun li niffurmaw Kunsill tal-Ewropa. Jekk għall-ewwel l-Istati kollha tal-Ewropa ma jkunux lesti jew kapaċi jingħaqdu fl-unjoni għandna madankollu nipproċedu biex inlaqqgħu u nagħqdu lil dawk li jistgħu.
Publikazzjonijiet
Aktar dwar il-ħajja, ix-xogħol u l-kontribuzzjoni ta’ Winston Churchill għall-proġett Ewropew