Il-Ministru tal-Affarijiet Barranin tal-Lussemburgu Joseph Bech, kellu twemmin sod fit-tqarrib tal-pajjiżi ġirien fi sħubijiet ekonomiċi u politiċi bħall-Komunità Ewropea tal-Faħam u l-Azzar. Hu kien diġà strumentali fil-ħolqien tal-Unjoni Doganali tal-Benelux bejn il-Gvernijiet eżiljati tal-Lussemburgu – li serva fihom – fil-Belġju, u fin-Netherlands fl-1944.
L-idea kbira ta’ Ewropa magħquda – li saħansitra reċentement kienet għada meqjusa utopika – illum toħroġ mill-isfera ta’ aspirazzjoni għall-fażi ta’ realizzazzjoni prattika.
Ħajja u żminijiet
Minbarra li impedixxa kunflitt devastanti ieħor bħat-Tieni Gwerra Dinjija, Bech qies ukoll il-ħolqien tal-Komunità Ewropea tal-Faħam u l-Azzar bħala opportunità għall-pajjiż żgħir tiegħu biex iħalli l-marka tiegħu f’Ewropa ġdida. Hu kien ukoll jemmen, bħal bosta politiċi f’dak iż-żmien, li relazzjonijiet mill-qrib u rabtiet vinkolanti kienu se jservu biex jimpedixxu lill-Ewropa milli terġa’ titfarrak.
Viżjoni għall-Ewropa
F’Ġunju 1955, Joseph Bech ippresieda l-Konferenza ta’ Messina li aktar tard wasslet għat-Trattat ta’ Ruma, li fforma l-Komunità Ekonomika Ewropea, il-prekursur tal-Unjoni Ewropea tal-lum. Din il-Konferenza ffokat fuq memorandum ippreżentat mit-tliet pajjiżi tal-Benelux, inkluż Bech bħala rappreżentant tal-Lussemburgu.
Joseph Bech, jitkellem fi Strasburgu fl-1968
Diskors ta' Joseph Bech fl-1968 fi Strasbourg
Fir-realtà għaliex ridna nibnu l-Ewropa wara t-Tieni Gwerra Dinjija? Ħsibna li kien assolutament neċessarju li noħolqu Ewropa ġdida sabiex, f'dan il-qafas ġdid, nirrikonċiljaw lil Franza u lill-Ġermanja.
U wasalna għall-konklużjoni li tal-anqas f'dan il-qasam, li kien qasam fundamentali, peress li l-paċi fl-Ewropa tiddependi minnu, ħloqna l-idea tal-Ewropa fejn waħda mir-raġunijiet, wieħed mill-għanijiet tal-ġlieda għal Ewropa magħquda ntleħaq.
Publikazzjonijiet
Aktar dwar il-ħajja, ix-xogħol u l-kontribuzzjoni ta’ Joseph Bech għall-proġett Ewropew