Cuardaigh na hinstitiúidí agus na comhlachtaí uile de chuid an Aontais Eorpaigh

Cuireann Gníomhaireacht an Aontais Eorpaigh um Chearta Bunúsacha comhairle neamhspleách ar chinnteoirí AE agus náisiúnta maidir le cearta bunúsacha.

Tá Gníomhaireacht an Aontais Eorpaigh um Chibearshlándáil (ENISA) tiomanta d’ardleibhéal coiteann cibearshlándála a bhaint amach ar fud na hEorpa.

Tacaíonn Eurojust le comhar breithiúnach san Aontas Eorpach maidir le réimse coireanna trasteorann ar nós na sceimhlitheoireachta, na gáinneála ar dhrugaí agus na cibearchoireachta.

Forbraíonn agus eagraíonn CEPOL cláir oiliúna i gcomhair seirbhísí póilíneachta agus le haghaidh oifigigh eile um fhorfheidhmiú an dlí san AE.

Cuireann Gníomhaireacht an Aontais Eorpaigh um Thearmann tacaíocht oibríochtúil agus theicniúil ar fáil do Bhallstáit an Aontais chun cuidiú leo dlí an Aontais a chur chun feidhme go héifeachtach maidir leis an tearmann.

Cuireann Gníomhaireacht Drugaí an Aontais Eorpaigh (EUDA) eolas neamhspleách ar fáil don Aontas faoi dhrugaí agus andúil i ndrugaí chun gur féidir le reachtóirí beartais éifeachtacha maidir le drugaí a cheapadh.

Cuireann an Ghníomhaireacht Eorpach um Shábháilteacht Eitlíochta seasaimh choiteanna sábháilteachta agus comhshaoil don eitlíocht shibhialta chun cinn in AE.

Oibríonn Gníomhaireacht Soláthair Euratom chun cinnteacht soláthair na n-ábhar núicléach a chothabháil d’úsáideoirí uile an Aontais Eorpaigh.

Cuidíonn an ghníomhaireacht chun cur i bhfeidhm comhsheasmhach rialachán a choinneáil maidir leis an gcumarsáid leictreonach ar fud an Aontais.

Tugann an Ghníomhaireacht Feidhmiúcháin Eorpach um an tSláinte agus an Digitiú aghaidh ar uaillmhian an Choimisiúin Eorpaigh , is é sin cuidiú chun Eoraip a thógáil a bheidh níos glaise, níos digití, níos athléimní agus níos oiriúnaí chun teacht roimh na dúshláin atá ann faoi láthair agus a bheidh ann amach anseo tar éis ghéarchéim COVID-19.

Déanann Institiúid an Aontais Eorpaigh um Staidéar Slándála anailís ar shaincheisteanna a bhaineann leis an mbeartas eachtrach, leis an mbeartas slándála agus leis an mbeartas cosanta.

Tá sé d’aidhm ag an Institiúid Eorpach um Nuálaíocht agus Teicneolaíocht iomaíochas na hEorpa, cruthú na bpost agus fás eacnamaíoch inbhuanaithe a mhéadú trí chomhar idir earnáil na tionsclaíochta agus áiseanna oideachais agus taighde.

Cuireann an tIonad Aistriúcháin seirbhísí aistriúcháin ar fáil do ghníomhaireachtaí agus do chomhlachtaí de chuid an Aontais ar fud na hEorpa agus oibríonn sé i gcomhar leis na seirbhísí aistriúcháin eile san Aontas.

Cuireann Lárionad Satailíte an Aontais Eorpaigh íomhánna satailíte agus aeríomhánna ar fáil do chomhghníomhaíochtaí eachtracha, slándála agus cosanta an Aontais.

Is comhlacht neamhspleách de chuid an Aontais Eorpaigh é OIPE, a dhéanann coireanna in aghaidh leasanna airgeadais an Aontais a imscrúdú, a ionchúiseamh agus a thabhairt chun breithiúnais.

Is é Oifig Foilseachán an Aontais Eorpaigh an soláthraí oifigiúil seirbhísí foilsitheoireachta d’institiúidí, comhlachtaí agus gníomhaireachtaí uile an Aontais.

Déanann Oifig Maoine Intleachtúla an Aontais Eorpaigh cearta trádmharcanna agus cearta deartha an Aontais a bhainistiú.

Is é an déanamh atá ar Pharlaimint na hEorpa comhaltaí a thoghtar go díreach ó gach tír den Aontas, comhaltaí a dhéanann díospóireacht ar dhlíthe agus a leasaíonn iad.