Cuardaigh na hinstitiúidí agus na comhlachtaí uile de chuid an Aontais Eorpaigh

Cuireann an Ghníomhaireacht Eorpach um Shábháilteacht Mhuirí eolas agus saineolas ar fáil chun sábháilteacht agus slándáil mhuirí a fheabhsú agus chun an truailliú a laghdú.

Is comhlacht a chuireann maoiniú ar fáil don taighde agus don nuálaíocht í an Ghníomhaireacht Feidhmiúcháin Taighde. Déanann sí deontais taighde an Aontais Eorpaigh a bhainistiú.

Déanann an Ghníomhaireacht Leigheasra Eorpach sláinte an duine agus sláinte na n-ainmhithe a chosaint agus a chur chun cinn trí mheastóireacht agus faireachán ar chógais san Aontas.

Oibríonn Gníomhaireacht an Aontais Eorpaigh um Chomhar idir Rialálaithe Fuinnimh ar mhaithe le margadh fuinnimh atá níos iomaíche, níos éifeachtúla agus níos sláine.

Tá sé d’aidhm ag Gníomhaireacht Iarnróid an Aontais Eorpaigh córas iarnróid an AE a fheabhsú trí chomhchaighdeáin theicniúla agus sábháilteachta a fhorbairt ar fud an AE.

Tacaíonn an Institiúid Eorpach um Chomhionannas Inscne le hiarrachtaí chun comhionannas na n-inscní a bhaint amach san Aontas Eorpach.

Is é an Lárionad Eorpach um Inniúlachtaí Tionsclaíochta Cibearshlándála (ECCC), in éineacht le Líonra na Lárionad Náisiúnta Comhordúcháin, creat nua na hEorpa chun tacú leis an nuálaíocht agus leis an mbeartas tionsclaíoch sa chibearshlándáil.

Cuidíonn Cedefop le hinstitiúidí agus eagraíochtaí an Aontais i bhforbairt agus i gcomhlíonadh na riachtanas gairmoiliúna a fhorbairt.

Cuidíonn an Lárionad Eorpach um Ghalair a Chosc agus a Rialú le rialtais an AE a ullmhú chun stop a chur le leathadh na ngalar tógálach.

Cinntíonn an Maoirseoir Eorpach ar Chosaint Sonraí go gcosnaíonn institiúidí agus comhlachtaí an Aontais faisnéis phearsanta nuair atá sonraí á bpróiseáil acu.

Deonaíonn an Oifig Chomhphobail um Chineálacha Plandaí cearta maoine intleachtúla i dtaobh le cineálacha nua plandaí san AE.

Cuireann EPSO nósanna imeachta roghnúcháin ar ardchaighdeán ar fáil chun baill foirne a earcú d’institiúidí, comhlachtaí agus gníomhaireachtaí an Aontais Eorpaigh.

Cuireann an Scoil Riaracháin Eorpach (EuSA) oiliúint ar fáil i réimsí sonracha do bhaill foirne an Aontais Eorpaigh.

Imscrúdaíonn an tOmbudsman Eorpach gearáin faoi dhrochriarachán in institiúidí an Aontais agus i gcomhlachtaí an Aontais.

Tugann CERT-EU freagra ar theagmhais slándála eolais agus cibearbhagairtí a dhéanann difear do chórais ríomhaireachta institiúidí, gníomhaireachtaí agus comhlachtaí uile an Aontais.

Is í an tSeirbhís Eorpach Gníomhaíochta Seachtraí an tseirbhís taidhleoireachta atá ag an Aontas Eorpach, agus is í a chuireann beartas eachtrach agus slándála an Aontais i gcrích.

Cinntíonn an tÚdarás Eorpach Saothair go gcuirtear rialacha trasteorann maidir le saothar agus slándáil shóisialta i bhfeidhm go cuí san Aontas.

Cuireann an tÚdarás Eorpach um Árachas agus Pinsin Ghairme comhairle ar institiúidí an AE maidir le conas córas airgeadais éifeachtach cobhsaí a choinneáil ar bun.

Cuireann an tÚdarás Eorpach um Shábháilteacht Bia sonraí eolaíocha neamhspleácha agus comhairle ar fáil faoi rioscaí a d’fhéadfadh a bheith ann sa bhiashlabhra.