Skip to main content

L-iżvilupp u l-kooperazzjoni

It-tmiem tal-faqar u l-kisba ta’ żvilupp sostenibbli

Flimkien, l-istituzzjonijiet tal-UE u l-pajjiżi, huma d-donatur ewlieni fid-dinja tal-għajnuna għall-iżvilupp u l-kooperazzjoni. L-UE tipproponi leġiżlazzjoni u politiki għall-promozzjoni ta’ governanza tajba u għall-iżvilupp ekonomiku u tal-bniedem, bħall-ġlieda kontra l-ġuħ u l-konservazzjoni tar-riżorsi naturali.

B’reazzjoni għall-Għanijiet ta’ Żvilupp Sostenibbli tan-Nazzjonijiet Uniti, l-istituzzjonijiet tal-UE jaħdmu flimkien u jipprovdu finanzjament biex jiġu indirizzati dawn il-ħames aspetti tal-iżvilupp sostenibbli:

  • Il-bnedmin: It-tmiem tal-faqar u l-ġuħ fil-forom kollha u l-iżgurar tad-dinjità u l-ugwaljanza
  • Il-pjaneta: Il-protezzjoni tal-ġenerazzjonijiet futuri mill-qerda ambjentali u t-tnaqqis tar-riżorsi
  • Il-prosperità: L-iżgurar ta’ ħajja prospera u sodisfaċenti f’armonija man-natura
  • Il-paċi: Il-ħolqien ta’ soċjetajiet paċifiċi, ġusti u inklużivi
  • Is-sħubija: L-implimentazzjoni ta’ xogħol ta’ żvilupp permezz ta’ sħubija globali
  • L-azzjonijiet tal-UE għal kull settur

L-UE tikkoopera ma’ 150 pajjiż sieħeb fl-Afrika, l-Amerika Latina u l-Karibew, l-Asja u l-Paċifiku, kif ukoll mas-soċjetà ċivili u organizzazzjonijiet internazzjonali. Minbarra li tipprovdi għajnuna finanzjarja u tinvolvi ruħha fi djalogi ma’ pajjiżi sħab, l-UE tmexxi wkoll riċerka u evalwazzjoni biex tiżgura li l-għajnuna tintuża b’mod effettiv.

Aħbarijiet

22 Jannar 2022
European Commission Press release Brussels, 22 Jan 2022 Following a request for assistance, the EU is channelling aid to Tonga in the aftermath of the volcanic eruption of Hunga Tonga-Hunga Ha'apai and tsunami in the...
17 Jannar 2022
European Commission Press release Brussels, 17 Jan 2022 Humanitarian crises around the world continue to rise. While conflicts and violence are the source of major humanitarian needs, the situation is increasingly being worsened by natural disasters, such as drought or floods, fuelled by climate...