Paul-Henri Spaak inxteħet il-ħabs mill-Ġermaniżi matul l-Ewwel Gwerra Dinjija u serva bħala Ministru tal-Affarijiet Barranin fl-eżilju matul it-Tieni Gwerra Dinjija. Kien pijunier ieħor kbir tal-UE li ġarrab l-orrur tal-aktar seklu mdemmi tal-Ewropa. Għalkemm il-biċċa l-kbira tal-Ewropa kienet imfarrka wara t-Tieni Gwerra Dinjija, Spaak ra opportunità biex terġa’ ssir kontinent b’saħħtu u paċifiku permezz ta’ kooperazzjoni ekonomika u politika.
Ħajja u żminijiet
Waqt li kien f’eżilju f’Londra matul il-gwerra, hu fassal pjanijiet mal-kollegi tiegħu mill-Pajjiżi l-Baxxi u l-Lussemburgu dwar proġett ġdid u ambizzjuż ħafna: unjoni doganali bejn il-Belġju, in-Netherlands u l-Lussemburgu.
Fl-1944, il-pjan ġie realizzat u twieled il-Benelux. Fi ħdan il-fruntieri tat-3 pajjiżi, il-moviment liberu tal-flus, in-nies, is-servizzi u l-merkanzija kien se jkun iggarantit. Dan kellu jservi ta’ ispirazzjoni għal aktar integrazzjoni Ewropea.
Viżjoni għall-Ewropa
Għal Spaak, l-għaqda tal-pajjiżi permezz ta’ obbligi ta’ trattat vinkolanti kienet l-aktar mezz effettiv sabiex jiġu ggarantiti l-paċi u l-istabbiltà. Hu għen biex jintlaħqu dawn l-għanijiet bħala president tal-ewwel laqgħa sħiħa tan-Nazzjonijiet Uniti (1946) u bħala Segretarju Ġenerali tan-NATO (1957-61). Spaak kien figura ewlenija fil-formulazzjoni tal-kontenut tat-Trattat ta' Ruma. Fil-Konferenza ta’ Messina fl-1955, is-sitt gvernijiet parteċipanti ħatruh president tal-kumitat ta’ ħidma li ħejja t-Trattat.
Paul-Henri Spaak, waqt li kien qed jitkellem fi Strasburgu fil-11 ta’ Diċembru 1951
Traskrizzjoni
Diskors ta' Paul-Henri Spaak fil 11 ta' Diċembru 1951 f'Pariġi
…filwaqt li wħud bilkemm jintlaqtu mill-interess u l-utilità ta' ħidmietna, għal ċertu għadd ta' oħrajn fostna, dak li qed nagħmlu hawn hu vitali u neċessarju b'mod urġenti.
Nammira lil dawk li jafu jibqgħu kalmi fil-qagħda li tinsab fiha l-Ewropa bħalissa. Nistgħu inkunu krudili ħafna kieku ma konniex furzati li nkunu daqstant diplomatiċi..., iżda erġgħu aħsbu ftit fl-aħħar snin li għaddew!
Publikazzjonijiet
Aktar dwar il-ħajja, ix-xogħol u l-kontribuzzjoni ta’ Paul-Henri Spaak għall-proġett Ewropew