Duine eile de cheannródaithe móra an Aontais Eorpaigh a chonaic uafáis an chéid is fuiltí i stair na hEorpa a bhí i Paul-Henri Spaak, fear ar choimeád na Gearmánaigh mar phríosúnach é le linn an Chéad Chogaidh Dhomhanda agus a bhí ag feidhmiú mar aire gnóthaí eachtracha ar deoraíocht na Beilge le linn an Dara Cogadh Domhanda. Cé go raibh an chuid is mó den Eoraip scriosta tar éis an Dara Cogadh Domhanda, thuig Spaak go raibh deis ann an Eoraip a neartú arís agus mór-roinn síochánta a dhéanamh di trí chomhar eacnamaíoch agus polaitiúil.
Saol agus beatha
Agus é ar deoraíocht i Londain le linn an chogaidh, bhí Spaak agus a chomhghleacaithe ón Ísiltír agus ó Lucsamburg ag obair ar thionscadal úrnua an-uaillmhianach: aontas custaim idir an Bheilg, an Ísiltír agus Lucsamburg.
In 1944, tugadh an plean chun críche agus bunaíodh Benelux. Ráthófaí saorghluaiseacht airgid, daoine, seirbhísí agus earraí laistigh de theorainneacha na dtrí thír. Spreag sin tuilleadh lánpháirtithe san Eoraip ina dhiaidh sin
Fís don Eoraip
Mheas Spaak gur aontú tíortha trí oibleagáidí ceangailteacha conarthacha an bealach ba éifeachtaí chun an tsíocháin agus an chobhsaíocht a ráthú. Chuidigh sé na haidhmeanna sin a bhaint amach agus é ina uachtarán ar an gcéad lánchruinniú de na Náisiúin Aontaithe (1946) agus mar Ard-Rúnaí ECAT (1957-61). Bhí ról tábhachtach ag Spaak i bhfoirmliú an ábhair do Chonradh na Róimhe. Ag 'Comhdháil Messina’ in 1955, cheap na sé rialtas rannpháirteacha é ina uachtarán ar an gcoiste oibre a d’ullmhaigh an Conradh.
Paul-Henri Spaak ag tabhairt óráide in Strasbourg an 11 Nollaig 1951
Paul-Henri Spaak ag labhairt dó an 11 Nollaig 1951 i bPáras
... bíodh gur ar éigean a bhaineann suim agus úsáidí ár gcúraim de daoine áirithe, do chuid againne is rud ríthábhachtach agus riachtanas práinneach leis atá de déanamh againn anseo.
Tá meas agam orthu siúd atá in ann bheith suaimhneach agus an Eoraip mar atá sí. D'fhéadfaimis bheith an-chruálach mura mbeadh iallach orainn a bheidh chomh parlaiminteach.., ach mar sin féin caithimis súil ar ais ar na blianta atá díreach thart!
Foilseacháin
Tuilleadh eolais faoi shaol agus obair Paul-Henri Spaak, agus an méid a chur sé le tionscadal na hEorpa