Il-President tal-Parlament Ewropew – Roberta Metsola
Terminu: Lulju 2024 - Jannar 2027
Elett/a: mill-Membri tal-Parlament Ewropew
Rwol:
- jiżgura/tiżgura li l-proċeduri parlamentari jiġu segwiti kif suppost
- jissorvelja/tissorvelja l-attivitajiet varji tal-Parlament u l-kumitati
- jirrappreżenta/tirrappreżenta l-Parlament Ewropew fil-kwistjonijiet legali kollha u fir-relazzjonijiet internazzjonali
- jagħti/tagħti l-kunsens finali għall-baġit tal-UE
Aktar dwar ħidmet il-President tal-Parlament Ewropew
Il-President tal-Kunsill Ewropew – António Costa
Terminu: Diċembru 2024 - Mejju 2026
Maħtur/a: mill-mexxejja nazzjonali (il-kapijiet tal-istat jew tal-gvern tal-pajjiżi tal-UE).
Rwol:
- imexxi/tmexxi x-xogħol tal-Kunsill Ewropew biex dan jistabbilixxi d-direzzjoni u l-prijoritajiet politiċi ġenerali tal-UE – b’kooperazzjoni mal-Kummissjoni
- jippromwovi/tippromwovi l-koeżjoni u l-konsensus fil-Kunsill Ewropew
- jirrappreżenta/tirrappreżenta lill-UE esternament fi kwistjonijiet tal-affarijiet barranin u s-sigurtà
Aktar dwar ħidmet il-President tal-Kunsill Ewropew
Il-President tal-Kummissjoni Ewropea – Ursula von der Leyen
Terminu: Diċembru 2024 - Novembru 2029
Maħtur/a: mill-mexxejja nazzjonali (il-kapijiet tal-istat jew tal-gvern tal-pajjiżi tal-UE), bl-approvazzjoni tal-Parlament Ewropew
Rwol:
- jagħti/tagħti gwida politika lill-Kummissjoni
- isejjaħ/issejjaħ u jippresjedi/tippresjedi l-laqgħat tal-Kulleġġ tal-Kummissarji
- imexxi/tmexxi ħidmet il-Kummissjoni fl-implimentazzjoni tal-politiki tal-UE
- jipparteċipa/tipparteċipa fil-laqgħat tal-G7
- jikkontribwixxi/tikkontribwixxi għal dibattiti ewlenin kemm fil-Parlament Ewropew u bejn il-gvernijiet tal-UE fil-Kunsill tal-Unjoni Ewropea
Aktar dwar ix-xogħol tal-President tal-Kummissjoni
Presidenza tal-Kunsill tal-UE
Il-Kunsill tal-UE - fejn il-Ministri nazzjonali jiddiskutu l-leġiżlazzjoni tal-UE - m'għandux persuna waħda permanenti bħala President. Ix-xogħol jitmexxa mill-pajjiż li jkollu l-Presidenza tal-Kunsill, li tinbidel kull sitt xhur. Pereżempju, ir-rappreżentanti tal-pajjiż li jkollu l-presidenza jippresiedu l-laqgħat.