Melina Mercouri ħeġġet b’passjoni dak kollu li għamlet; mis-sebbieħ tal-palk u l-iskrin fil-bidu ta’ ħajjitha, għall-ġlieda tagħha kontra il-ġunta faxxista li ħadet il-kontroll tal-Greċja fl-1967 u għall-kampanja tagħha favur il-protezzjoni u l-promozzjoni tal-kultura fl-Ewropa bħala parlamentari.
Ħajja u żminijiet
Melina Mercouri kienet attriċi teatrali ewlenija fil-Greċja qabel ma saret stilla internazzjonali tal-films bil-premju għall-prestazzjoni tagħha f’“Never on Sunday”. Hi daħlet fil-politika bil-kolp ta’ stat fil-Greċja tal-1967 u wara għaddiet is-snin iddur id-dinja tikkampanja favur it-tneħħija tal-ġunta tal-kurunelli. Wara li ġiet lura d-demokrazija fl-1974, Mercouri rritornat f’pajjiżha biex tibda karriera politika. Hi saret l-Ministru tal-Kultura tal-Greċja li damet l-aktar fil-kariga u fir-rwol tagħha bħala difensura tal-kultura Griega u Ewropea kellha ħafna kisbiet, speċjalment bil-ħolqien tal-inizjattiva tal-Kapitali Ewropea tal-Kultura.
Viżjoni għall-Ewropa
Bħala Ministru għall-Kultura Grieg, fl-1983, Mercouri organizzat laqgħa mal-ministri tal-kultura tad-9 Stati Membri l-oħra tal-UE matul l-ewwel Presidenza Griega tal-Kunsill.
Hi ħeġġet lill-ministri l-oħra biex jingħaqdu magħha fl-isforzi biex jiżdied l-għarfien kulturali fl-Ewropa kollha. Din kienet l-ewwel waħda minn sensiela regolari ta’ laqgħat bejn il-Ministri tal-Kultura tal-Ewropa, li għadhom għaddejjin sal-lum.
Melina Mercouri titkellem mal-istampa qabel it-tnedija tal-ewwel Kapitali Ewropea tal-Kultura f’Ateni, 1985.
Publikazzjonijiet
Aktar dwar il-ħajja, ix-xogħol u l-kontribuzzjoni ta’ Melina Mercouri għall-proġett Ewropew