Helmut Kohl, François Mitterrand – pijunieri | L-Unjoni Ewropea
Mur għall-kontenut ewlieni
Bandiera tal-Unjoni Ewropea
MaltiMalti

Helmut Kohl u François Mitterrand mexxejja tar-rikonċiljazzjoni

Helmut Kohl kien it-tieni wieħed minn tliet persuni biss li rċevew Ċittadinanza Onorarja Ewropea mill-Kunsill Ewropew, bħala rikonoxximent tal-ħidma straordinarja tiegħu fuq l-integrazzjoni u l-kooperazzjoni Ewropea, li turi l-kontribuzzjoni kbira tiegħu għall-proġett Ewropew.

Filwaqt li l-President, Mitterrand appoġġja t-tkabbir tal-UE billi ħeġġeġ lil Spanja u lill-Portugall biex jingħaqdu mal-UE. Huwa kien jemmen ukoll f’UE aktar integrata u ppromwova l-Att Uniku Ewropew fl-1986, li ħoloq l-ewwel pedamenti legali għal suq uniku Ewropew.

Flimkien, Kohl u Mitterrand laħqu dan l-għan fl-1992 bil-mogħdija tat-Trattat ta’ Maastricht, biex b’hekk il-ħolma tagħhom ta’ suq transnazzjonali bla xkiel saret realtà.

Ritratt: Il-President Mitterrand u l-Kanċillier Kohl bil-wieqfa id f’id quddiem kuruna tal-fjuri fl-ossarium ta’ Douaumont, Verdun fl-1984

Helmut Kohl and François Mitterrand holding hands
President Mitterrand and Chancellor Kohl standing hand in hand in front of a memorial wreath at the Douaumont Ossuary, Verdun in 1984
AP/European Union

L-unità Ġermaniża u l-unifikazzjoni Ewropea huma żewġ naħat tal-istess munita.

Helmut Kohl

Franza hija l-pajjiż ewlieni tagħna, l-Ewropa hija l-futur tagħna.

François Mitterrand

Ħajja u żminijiet

Kohl kien il-Kanċillier għal 16-il sena, l-itwal kariga ta’ mexxej Ġermaniż fis-seklu 20. Bl-istess mod, Mitterrand serva bħala President ta’ Franza għal 14-il sena, l-itwal presidenza fl-istorja ta’ Franza. Mitterrand u Kohl mietu fl-1996 u fl-2017 rispettivament, wara għexieren ta’ snin ta’ servizz lejn pajjiżhom stess u lejn l-UE.

President Mitterrand and Chancellor Kohl standing hand in hand in front of a memorial wreath at the Douaumont Ossuary, Verdun in 1984.
President Mitterrand and Chancellor Kohl standing hand in hand in front of a memorial wreath at the Douaumont Ossuary, Verdun in 1984.

Il-President Mitterrand u l-Kanċillier Kohl bilwieqfa id f’id quddiem kuruna tal-fjuri ta’ tifkira fl-ossarium ta’ Douaumont, Verdun fl-1984

Viżjoni għall-Ewropa

Kohl u Mitterrand ħadmu ħafna biex isaħħu r-relazzjoni ta’ wara l-gwerra bejn Franza u l-Ġermanja, u enfasizzaw l-importanza tal-paċi bejn in-nazzjonijiet tagħhom filwaqt li jsegwu l-integrazzjoni Ewropea. Id-dehra taż-żewġ mexxejja id f’id f’ċerimonja fit-22 ta’ Settembru 1984 li fakkret is-70 anniversarju mill-bidu tal-Ewwel Gwerra Dinjija hi immaġni ikonika u li tqanqlek u ġiet rikonoxxuta fuq livell internazzjonali. Dan wera kemm kienu waslu Franza, il-Ġermanja u l-Ewropa minn tmiem it-Tieni Gwerra Dinjija ’l hawn.

B’rikonoxximent tal-ħidma ta’ ħajjithom fuq ir-relazzjonijiet Franko-Ġermaniżi, huma rċevew il-premju Charlemagne fl-1988, li jingħata għal xogħol li javvanza l-unifikazzjoni Ewropea.

Pubblikazzjonijiet

Aktar dwar il-ħajja, ix-xogħol u l-kontribuzzjoni lill-proġett Ewropew ta’ Kohl u Mitterrand